തന്നെ അറിയുന്നവര് ബിജെപിയിലേക്ക് പോകുന്നതിന് താനാണോ ഉത്തരവാദിയെന്ന് ചോദിച്ച സുധാകരന് തന്റെ പട്ടി ബ്രൂണോ പോലും ബിജെപിയില് പോകില്ലെന്ന് പറയുകയുണ്ടായി. ആരെങ്കിലും ബിജെപിയിലേക്ക് പോയതിന് ഞാന് എന്ത് പിഴച്ചു? ഞാന് ബിജെപിയില് പോകും എന്ന് പറയുന്നതിന് അടിസ്ഥാനമില്ല. എനിക്ക് നല്ലൊരു പട്ടിയുണ്ട്. ബ്രൂണോ എന്നാണ് പേര്. അത് പോലും ബിജെപിയിലേക്ക് പോകില്ല എന്നും സുധാകരന് പറഞ്ഞു.
സുധാകരന്റെ വാക്കുകള്:
ഞങ്ങള്ക്കൊരു കാഴ്ചപ്പാടുണ്ട്. രാഷ്ട്രീയത്തില് കുട്ടിക്കാലം മുതല് ഇറങ്ങിയതാണ്. ഒമ്പതാം വയസ് മുതല് രാഷ്ട്രീയ പ്രവര്ത്തനം ആരംഭിച്ചയാളാണ് ഞാന്. എനിക്കറിയാം ആരെ എതിര്ക്കണം ആരെ അനുകൂലിക്കണമെന്ന്.
ഞാന് തൊട്ടവനും അറിയുന്നവനും എവിടെയെങ്കിലും പോയാല് ഞാനാണോ ഉത്തരവാദി? അവര് പോയത് കൊണ്ട് ഞാന് ബിജെപിയില് പോകും എന്നാണോ? ആറു മാസം എന്റെ കൂടെ നിന്ന സെക്രടറിയാണ് ബിജെപിയില് പോയത്. അയാളെ ഞാന് പുറത്താക്കിയതാണ്. അയാള് ബിജെപിയിലേക്ക് പോയതിന് ഞാന് എന്താക്കാനാണെന്നും കെ സുധാകരന് വ്യക്തമാക്കി.
Keywords: K Sudhakaran Criticized BJP, Kannur, News, K Sudhakaran, Criticized, BJP, Politics, Lok Sabha Election, Congress, Road Show, Kerala News.