സംവിധായകന് മാരുതിയുമായി പ്രഭാസ് ഒന്നിക്കുന്ന ചിത്രത്തിന്റെ പേര് പൊങ്കലിന് പ്രഖ്യാപിച്ചേക്കുമെന്നുള്ള റിപോര്ടുകള് പുറത്തുവരുന്നുണ്ട്. ചിത്രത്തിന്റെ ഫസ്റ്റ് ലുകും പുറത്തുവിട്ടേക്കുമെന്നാണ് റിപോര്ട്. കല്ക്കി 2898 എഡി എന്ന ചിത്രത്തിന്റെ റിലീസ് തിയതിയും ജനുവരി 12ന് പ്രഖ്യാപിക്കുമെന്നാണ് അറിയുന്നത്. കല്ക്കിയുടെ സംവിധാനവും തിരക്കഥയും നാഗ് അശ്വിനാണ്.
സി അശ്വനി ദത്താണ് നിര്മാണം. പ്രഭാസിന്റെ കല്ക്കി 2898 എഡി സിനിമ എപിക് സയന്സ് ഫിക്ഷനായി എത്തുമ്പോള് നിര്മാണം വൈജയന്തി മൂവീസിന്റെ ബാനറിലായിരിക്കും. തമിഴകത്തെ നിരവധി ഹിറ്റ് ഗാനങ്ങള്ക്ക് സംഗീതം നല്കിയ സന്തോഷ് നാരായണനായിരിക്കും 'കല്ക്കി 2898 എഡി'യുടെയും പാട്ടുകള് ഒരുക്കുക. ചിത്രത്തില് ദീപിക പദുകോണ് നായികയാകുമ്പോള് മറ്റ് പ്രധാന വേഷങ്ങളില് കമല്ഹാസനും അമിതാഭ് ബചനും എത്തുന്നുണ്ട് എന്നതും ആരാധകരെ ആവേശത്തിലാക്കുന്ന വാര്ത്തയാണ്.
പ്രഭാസിന്റെ സലാറില് മലയാളത്തിന്റെ പ്രിയ നടന് പൃഥ്വിരാജും നിര്ണായകമായ അഭിനയം കാഴ്ചവയ്ക്കുന്നുണ്ട്. കേരളത്തിന് പുറത്തും സലാര് സിനിമയിലെ പ്രകടനത്തിന്റെ പേരില് പൃഥ്വിരാജിന് അഭിനന്ദനങ്ങള് ലഭിക്കുന്നുണ്ട്. ഇത്രത്തോളം വലിയ ഒരു കാന്വാസിലേക്ക് ചിത്രം മാറാന് പൃഥ്വിരാജിന്റെ പ്രകടനം നിര്ണായകമായിരുന്നു എന്നാണ് സംവിധായകന് പ്രശാന്ത് നീലും സാക്ഷ്യപ്പെടുത്തിയിരുന്നത്.
Keywords: Prabhas, Maruthi Film First Look, Title Release Date Confirmed, Mumbai, News, Prabhas, Maruthi Film First Look, Title Release Date, Theatre, Director, Producer, National.