ആരോഗ്യമന്ത്രി വീണാ ജോര്‍ജ് അധ്യക്ഷത വഹിച്ച ചടങ്ങില്‍ രഞ്ജി പണിക്കര്‍ പുസ്തകത്തിന്റെ ആദ്യപ്രതി ഏറ്റുവാങ്ങി. യേശുദാസന്റെ വരജീവിതം കാര്‍ടൂണുകളുടെ ചരിത്രം കൂടിയാണെന്ന് മന്ത്രി വീണാ ജോര്‍ജ് അഭിപ്രായപ്പെട്ടു. കൃഷി മന്ത്രി പി പ്രസാദ് മുഖ്യപ്രഭാഷണവും മുന്‍ മുഖ്യമന്ത്രി ഉമ്മന്‍ചാണ്ടി അനുസ്മരണ പ്രഭാഷണവും നടത്തി. യേശുദാസന്റെ ദീര്‍ഘകാല സുഹൃത്തായ ഡോ. സിദ്ദീഖ് അഹ് മദിന്റെ നേതൃത്വത്തിലുള്ള ഇറാം ഗ്രൂപിന്റെ സംരംഭമായ പുസ്തകക്കടയാണ് പുസ്തകത്തിന്റെ പ്രസാധകര്‍.
എംപിമാരായ ഹൈബി ഈഡന്‍, ഇടി മുഹമ്മദ് ബശീര്‍, എഎം ആരിഫ്, യുഡിഎഫ് കണ്‍വീനര്‍ എംഎം ഹസന്‍, യോഹനാന്‍ മാര്‍ പൊളികോര്‍പസ് മെത്രോപോലിത, മുതിര്‍ന്ന മാധ്യമപ്രവര്‍ത്തകനും മലയാള മനോരമ മുന്‍ എഡിറ്റോറിയല്‍ ഡയറക്ടറുമായിരുന്ന തോമസ് ജേകബ്, പ്രസാധക സമിതി ചെയര്‍മാനും ഇറാം ഗ്രൂപ്പ് ചെയര്‍മാനും മാനജിംഗ് ഡയറക്ടറുമായ ഡോ. സിദ്ദീഖ് അഹ് മദ്, കാര്‍ടൂണിസ്റ്റ് യേശുദാസന്റെ മകന്‍ സാനു യേശുദാസന്‍ തുടങ്ങി രാഷ്ടീയ, മാധ്യമ, കാര്‍ടൂണ്‍ രംഗത്തെ പ്രമുഖര്‍ ചടങ്ങില്‍ പങ്കെടുത്തു.
ചടങ്ങിനോട് അനുബന്ധിച്ച് കാര്‍ടൂണിസ്റ്റ് യേശുദാസന്റെ തെരഞ്ഞെടുത്ത കാര്‍ടൂണുകളുടെ പ്രദര്‍ശനവും സംഘടിപ്പിച്ചിരുന്നു.
Keywords: Goa Governor on Media Perspectives of Cartoons, News, Kerala, Top-Headlines, Cartoon, Media, Goa, Governor, Kochi, Book, Political party, Health Minister, Oommen Chandy, Malayala Manorama, Director, Chairman, Group.