ന്യൂഡെല്ഹി: (www.kvartha.com 28.02.2021) ഡെല്ഹിയിലെ കുവൈത്ത് എംബസി കുവൈത്തിന്റെ ദേശീയ, വിമോചന ദിനം ആഘോഷിച്ചു. വിദേശകാര്യമന്ത്രാലയം സെക്രടറി സഞ്ജയ് ഭട്ടാചാര്യ പങ്കെടുത്തു.
ദേശീയദിനത്തിന്റെ 60-ാം വാര്ഷികവും വിമോചന ദിനത്തിന്റെ 30-ാം വാര്ഷികവും ആഘോഷിക്കുന്ന ഈ വര്ഷം കുവൈത്തും ഇന്ത്യയും തമ്മില് നയതന്ത്രബന്ധം സ്ഥാപിച്ചതിന്റെ 60-ാം വാര്ഷികം കൂടിയാണെന്ന് കുവൈത്ത് സ്ഥാനപതി ജാസിം അല് നജീം പറഞ്ഞു. കോവിഡ് മഹാമാരി നേരിടുന്നതിന് കുവൈത്തിലേക്ക് മെഡികല് സംഘത്തെ അയയ്ക്കുകയും വാക്സീന് എത്തിച്ചു നല്കുകയും ചെയ്ത ഇന്ത്യയെ അദ്ദേഹം പ്രശംസിക്കുകയും ചെയ്തു.