ഖാസിം ഉടുമ്പുന്തല
അബുദബി: (www.kvartha.com 12.06.2021) കാലഹരണപ്പെട്ട റെസിഡൻസി അല്ലെങ്കിൽ എൻട്രി വിസയുള്ള എല്ലാവർക്കും കോവിഡ് വാക്സിനുകൾ നൽകാൻ അബുദബി എമർജെൻസി, ക്രൈസിസ് ആൻഡ് ഡിസാസ്റ്റർ മാനജ്‌മെന്റ് കമിറ്റി തീരുമാനിച്ചു. അബുദബിയിലെയും അൽ-ഐൻ പ്രവിശ്യയിലെയും എല്ലാ നിവാസികളുടെയും സുരക്ഷയും ആരോഗ്യവും ഉറപ്പുവരുത്തുന്നതിനും അസാധാരണമായ സാഹചര്യങ്ങൾ കണക്കിലെടുക്കുന്നതിനുമാണ് സമിതി വെള്ളിയാഴ്ച ഇത് പ്രഖ്യാപിച്ചത്.
കാലാവധി കഴിഞ്ഞതായാലും ഏതെങ്കിലും തരത്തിലുള്ള തിരിച്ചറിയില്‍ രേഖയുള്ളവര്‍ക്ക് വാക്‌സിനേഷന്‍ കേന്ദ്രങ്ങളില്‍ രജിസ്റ്റര്‍ ചെയ്ത് കോവിഡ് വാക്‌സിന്‍ സ്വീകരിക്കാം. പരമാവധി ജനങ്ങളിലേക്ക് ഈ വിവരമെത്താൻ ഇംഗ്ലീഷ്, ഹിന്ദി, ടാഗലോഗ് ഭാഷകളിലും അധികൃതർ അറിയിപ്പ് പുറപ്പെടുവിച്ചു. കോവിഡ് പ്രതിസന്ധിക്കിടയിൽ വിസ കാലഹരണപ്പെട്ട ഒട്ടേറെ പേർക്ക് പ്രയോജനം ലഭിക്കുന്ന തീരുമാനമാണിത്.
കഴിഞ്ഞ 24 മണിക്കൂറിനുള്ളിൽ 94,223 വാക്സിൻ ഡോസുകൾ യു എ ഇയിൽ നൽകിയതായി അധികൃതർ അറിയിച്ചു. 1,36,84,429 വാക്‌സിനുകളാണ് ഇതുവരെയായി രാജ്യത്ത് നൽകിയത്.
Keywords: Abu Dhabi, Gulf, News, COVID-19, Vaccine, Family, Visa, Al Ain, Registration, Hindi, Report By Qasim Muhammad Udumbunthala, Holders of expired residency and entry visas will now be vaccinated in Abu Dhabi.