ദുബൈ: (www.kvartha.com 20.04.2021) അന്നു ആന്റണി കേന്ദ്രകഥാപാത്രത്തെ അവതരിപ്പിക്കുന്ന 'മെയ്ഡ് ഇന്‍ ക്യാരവാന്‍' സിനിമയുടെ ചിത്രീകരണം ദുബൈയില്‍ പുരോഗമിക്കുന്നു. സിനിമാ കഫെ പ്രൊഡക്ഷന്‍സിന്റെ ബാനറില്‍ മഞ്ജു ബാദുഷ നിര്‍മിച്ച് നവാഗതനായ ജോമി കുര്യാക്കോസ് ആണ് ചിത്രം സംവിധാനം ചെയ്യുന്നത്.
'മെയ്ഡ് ഇന്‍ ക്യാരവാന്‍' എന്ന സിനിമയുടെ ചിത്രീകരണം പൂര്‍ണമായും ഗള്‍ഫ് പശ്ചാത്തലത്തിലുള്ളതാണ്. ദുബൈ, അബൂദബി, ഫുജൈറ, റാസ് അല്‍ ഖൈമ എന്നിവിടങ്ങളാണ് ചിത്രത്തിന്റെ പ്രധാന ലൊക്കേഷനുകള്‍.
ചിത്രത്തില്‍ അന്നു ആന്റണിയെ കൂടാതെ പ്രിജില്‍, ആന്‍സണ്‍ പോള്‍, മിഥുന്‍ രമേഷ്, അന്താരാഷ്ട്ര താരങ്ങളും മോഡലുകളുമായ ഹാഷെം കടൂറ, അനിക ബോയ്‌ലെ, ജെന്നിഫര്‍, നസ്സഹ എന്നിവരും അഭിനയിക്കുന്നുണ്ട്. ഇവര്‍ക്ക് പുറമേ മലയാളത്തിലെ ഒരുപിടി താരങ്ങളും ചിത്രത്തില്‍ അഭിനയിക്കുന്നുണ്ട്.
പ്രശസ്ത പ്രൊഡക്ഷന്‍ കണ്‍ട്രോളര്‍ ബാദുഷയാണ് ചിത്രത്തിന്റെ എക്‌സിക്യൂട്ടീവ് പ്രൊഡ്യൂസര്‍. ഷിജു എം ഭാസ്‌ക്കര്‍ ആണ് ചിത്രത്തിന്റെ ഛായാഗ്രാഹണം. പി ആര്‍ ഓ- പി ശിവപ്രസാദ്.
Keywords: Filming of 'Made in Caravan' is in progress in Dubai, Dubai, News, Cinema, Director, Actress, Gulf, World.