കോണ്‍ഗ്രസ് നേതാവിന്റെ ഭാര്യയുടെ ഫോടോ ട്വീറ്റ് ചെയ്ത് ബിജെപി; തന്റെ ചിത്രം ഉപയോഗിച്ചത് അപഹാസ്യമാണെന്നും തമിഴ്നാട്ടില്‍ താമര വിരിയില്ലെന്നും ശ്രീനിധി

ചെന്നൈ: (www.kvartha.com 31.03.2021) തെരഞ്ഞെടുപ്പ് പ്രചാരണ വിഡിയോയില്‍ എംപിയും തമിഴ്നാട്ടിലെ കോണ്‍ഗ്രസ് നേതാവുമായ കാര്‍ത്തി ചിദംബരത്തിന്റെ ഭാര്യയും നര്‍ത്തകിയും ഡോക്ടറുമായ ശ്രീനിധി ചിദംബരത്തിന്റെ ചിത്രം ട്വീറ്റ് ചെയ്ത് തമിഴ്നാട് ബി ജെ പി. സംഭവം അപഹാസ്യമെന്ന് ശ്രീനിധി വിമര്‍ശിച്ചു. 

ഡി എം കെ നേതാവായിരുന്ന കരുണാനിധി എഴുതിയ സെമ്മൊഴി എന്ന ഗാനത്തിന് ശ്രീനിഥി ചുവടുവെക്കുന്ന ദൃശ്യമാണ് ഉള്‍പ്പെടുത്തിയത്. താമര വിരിയും എന്ന തലക്കെട്ടിലാണ് വിഡിയോ പുറത്തിയറക്കിയത്. തന്റെ ദൃശ്യങ്ങള്‍ ഉള്‍പ്പെടുത്തിയതിനെതിരെ ശ്രീനിധി രംഗത്തെത്തിയോടെ ബി ജെ പി ട്വീറ്റ് പിന്‍വലിച്ചു.

ബി ജെ പിയുടെ പ്രൊപഗാണ്ട പ്രചരിപ്പിക്കുന്നതിനായി തന്റെ ചിത്രം ഉപയോഗിച്ചത് അപഹാസ്യമാണെന്നും തമിഴ്നാട്ടില്‍ താമര വിരിയില്ലെന്നും ശ്രീനിധി വ്യക്തമാക്കി. 10 വര്‍ഷം മുമ്പ് വേള്‍ഡ് ക്ലാസികല്‍ തമിഴ് കോണ്‍ഫറന്‍സില്‍ അവതരിപ്പിച്ച നൃത്തത്തിലെ ദൃശ്യമാണ് ബിജെപി ഉപയോഗിച്ചതെന്നും ശ്രീനിധി പറഞ്ഞു. അനുവാദമില്ലാതെ ശ്രീനിധിയുടെ ചിത്രങ്ങള്‍ ഉപയോഗിക്കരുതെന്ന് തമിഴ്നാട് കോണ്‍ഗ്രസും ട്വീറ്റ് ചെയ്തു.

Faux pas by Tamil Nadu BJP! 🙈

They have used a portion of Bharatanatyam performed by Srinidhi Karti Chidambaram in their election promo.

She had performed this 10 years back for the "Semmozhi" song penned by M Karunanidhi and composed by AR Rahman. #TamilNaduElections pic.twitter.com/dlEsNFR8rx

— Shilpa Nair (@NairShilpa1308) March 30, 2021

Keywords: News, National, India, Election, Assembly Election, Assembly-Election-2021, Politics, Trending, BJP, Congress, Photo, Tamil Nadu BJP tweets Congress MP Karti Chidambaram's wife and artiste Srinidhi's photo, gets ridiculed