പെട്രോളിനും ഡീസലിനും വില കുറച്ചു

ന്യൂ ഡെല്‍ഹി: (www.kvartha.com 31.07.2016) രാജ്യത്ത് പെട്രോളിനും ഡീസലിനും വില കുറച്ചു. പെട്രോളിന് 1.42 രൂപയും ഡീസലിന് 2.1 രൂപയുമാണ് കുറച്ചത്. പുതുക്കിയ നിരക്ക് ഞായറാഴ്ച അര്‍ദ്ധരാത്രി മുതല്‍ നിലവില്‍ വരും.

ഈ  മാസം ഇത് മൂന്നാം തവണയാണ് ഇന്ധനവില കുറയ്ക്കുന്നത്. ജൂലൈ 16 ന് പെട്രോളിന് 2.25 രൂപയും ഡീസലിന് 0.42 രൂപയും കുറച്ചുകൊണ്ട് പുതിയ നിരക്ക് നിലവില്‍ വന്നിരുന്നു. ഈ മാസം ഒന്നാം തിയ്യതി പെട്രോളിന് 89 പൈസയും ഡീസലിന് 49 പൈസയും കുറച്ചിരുന്നു.

രൂപയുടെ വിനിമയ നിരക്കിന്റെയും അന്താരാഷ്ട്ര വിപണിയിലെ അസംസ്‌കൃത എണ്ണവിലയുടെയും അടിസ്ഥാനത്തിലാണ് ഇന്ധനവിലയില്‍ കുറവുണ്ടായത്.

Keywords: Petrol Price, diesel, India, New Delhi, Crude Oil, Indian Oil Corporation, National level