പ്രവീണ്‍കുമാറിന് പരിക്ക്; അഭിമന്യു മിഥുന്‍ ടീമില്‍

കട്ടക്ക്:  നെഞ്ചിന് പരിക്കേറ്റതിനെ തുടര്‍ന്ന്  വെസ്റ്റിന്‍ഡീസിനെതിരായ ആദ്യ മൂന്ന് ഏകദിനങ്ങള്‍ക്കുള്ള ഇന്ത്യന്‍ ടീമില്‍ നിന്നും ഫാസ്റ്റ് ബൗളര്‍ പ്രവീണ്‍ കുമാറിനെ ഒഴിവാക്കി. പ്രവീണിന് പകരം കര്‍ണാടകയുടെ പേസ് ബൗളര്‍ അഭിമന്യൂ മിഥുനെ ടീമില്‍ ഉള്‍പ്പെടുത്തിയിട്ടുണ്ട്.

പ്രവീണിന്റെ അഭാവത്തില്‍ പേസ് ഡിപ്പാര്‍ട്ടമെന്റിനെ ഉമേഷ് യാദവ് വരുണ്‍ ആരോണ്‍ എന്നിവര്‍ക്കൊപ്പം ആര്‍ വിനയ് കുമാര്‍ നയിക്കും.
ചൊവ്വാഴ്ചയാണ് വിന്‍ഡീസിനെതിരായ ഏകദിന പരമ്പര തുടങ്ങുന്നത്. കട്ടക്കില്‍ പകലും രാത്രിയുമായി നടക്കുന്ന മത്സരം ഉച്ചയ്ക്ക് 230ന് ആരംഭിക്കും.

Keywords: Sports, National, Injured, Cricket, India, Praveen kumar