» » » » » » » » » » പ്രദേശത്തെ യുവാക്കള്‍ക്ക് പെണ്ണ് കിട്ടാത്തതിന്റെ കാരണം കണ്ടെത്തി പോലീസ്; പ്രതിഷേധവുമായി ഡിവൈഎഫ്‌ഐ

പാനൂര്‍: (www.kvartha.com 13.01.2019) പ്രദേശത്തെ യുവാക്കള്‍ക്ക് പെണ്ണ് കിട്ടാത്തതിന്റെ കാരണം കണ്ടെത്തി പോലീസ്. പോലീസ് നിലപാടില്‍ പ്രതിഷേധവുമായി ഡിവൈഎഫ്‌ഐ രംഗത്തെത്തി. പാനൂര്‍ മേഖലയിലെ യുവാക്കള്‍ക്ക് പെണ്ണ് കിട്ടാത്തതിന്റെ കാരണം ഈ മേഖലയിലെ രാഷ്ട്രീയ സംഘര്‍ഷങ്ങളുടെ പശ്ചാത്തലത്തിലാണെന്ന പോലീസ് നിലപാടാണ് ഡിവൈഎഫ്‌ഐ പാനൂര്‍ ബ്ലോക്ക് കമ്മിറ്റിയെ ചൊടിപ്പിച്ചത്.

നിലവിലെ രാഷ്ട്രീയ സാഹചര്യങ്ങളോട് ഇന്ത്യയിലൊട്ടാകെയുള്ള യുവജനപ്രസ്ഥാനങ്ങള്‍ പ്രതികരിക്കുകയും പ്രതിരോധങ്ങള്‍ ഉയര്‍ത്തുന്നുമുണ്ട്. അത് പാനൂരിന്റെ മാത്രം പ്രശ്‌നമായി അവതരിപ്പിച്ച പോലീസ് നിലപാട് സംശയാസ്പദമാണ്. ഒരു നാടിനെ മുഴുവന്‍ അപകീര്‍ത്തിപ്പെടുത്തുന്ന തരത്തിലുള്ള ഇത്തരം തരംതാണ പരാമര്‍ശങ്ങള്‍ പിന്‍വലിക്കണം. ഒറ്റപ്പെട്ട രാഷ്ട്രീയ സംഘര്‍ഷങ്ങളും വിവാഹജീവിതവും തൊഴിലുമായി കോര്‍ത്തിണക്കുന്ന പോലീസ് ഭാഷ്യം അവസാനിപ്പിക്കണമെന്നും പ്രസ്താവനയില്‍ പറയുന്നു.

പാനൂര്‍ പോലീസിന്റെ നേതൃത്വത്തില്‍ നടത്തിവരുന്ന വിവിധ കേന്ദ്ര, സംസ്ഥാന സേനകളിലേക്കുള്ള റിക്രൂട്ട് മെന്റുകള്‍ക്കും പിഎസ്‌സി പരിശീലന പരിപാടികള്‍ക്കും ഡിവൈഎഫ്‌ഐ പിന്തുണ നല്‍കിയിട്ടുണ്ട്. എന്നാല്‍ കഴിഞ്ഞ ദിവസങ്ങളില്‍ പത്ര, ദൃശ്യ മാധ്യമങ്ങളില്‍ പാനൂരിലെ യുവാക്കളുടെ വിവാഹം നടക്കാത്തതിനു കാരണം അവിടെ നിലനില്‍ക്കുന്ന ഒറ്റപ്പെട്ട രാഷ്ട്രീയ സംഘര്‍ഷങ്ങളും തൊണ്ണൂറു ശതമാനം വരുന്ന യുവാക്കള്‍ക്ക് വിദ്യാഭ്യാസ യോഗ്യത ഇല്ലാത്തതിനാലുമാണെന്ന യുക്തിരഹിതമായ കാരണങ്ങള്‍ പടച്ചുവിടുന്നതിനോട് പ്രതിഷേധമുണ്ടെന്ന് ഡിവൈഎഫ്‌ഐ വ്യക്തമാക്കി.



Keywords: Kerala, Malappuram, News, Youth, Police, DYFI, Politics, Clash, DYFI against police on allegation against youth 

About Kvartha Rah

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കെവാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.

മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date

Search This portal