മുഴ നീക്കാന്‍ ശസ്ത്രക്രിയ; മയക്കി കിടത്തി മണിക്കൂറുകള്‍ കഴിഞ്ഞും ബോധം വീണില്ല, വീട്ടമ്മയ്ക്ക് ദാരുണാന്ത്യം, സ്വകാര്യ ആശുപത്രിയിലെ പിഴവാണ് മരണകാരണമെന്ന് ബന്ധുക്കള്‍

വെള്ളറട : (www.kvartha.com 14.11.2017) കാലിലെ മുഴ നീക്കാന്‍ സ്വകാര്യ ആശുപത്രിയില്‍ നടത്തിയ ശസ്ത്രക്രിയയെ തുടര്‍ന്ന് ബോധം നഷ്ടപ്പെട്ട യുവതിക്ക് ദാരുണാന്ത്യം. ശസ്ത്രക്രിയയ്ക്കു ശേഷം ബോധംതിരിച്ചു കിട്ടാത്തതിനെ തുടര്‍ന്ന് തിരുവനന്തപുരം മെഡിക്കല്‍ കോളജില്‍ പ്രവേശിപ്പിച്ചിരുന്ന വാഴിച്ചല്‍ ചെട്ടിക്കുന്ന് റോഡരികത്തു വീട്ടില്‍ ജയകുമാറിന്റെ ഭാര്യ സുഷമ (42)യാണ് മരിച്ചത്.

കാലിലെ മുഴ നീക്കം ചെയ്യാന്‍ ഇക്കഴിഞ്ഞ ഓഗസ്റ്റിലാണ് സുഷമയെ കാരക്കോണത്തുള്ള സ്വകാര്യ ആശുപത്രിയില്‍ പ്രവേശിപ്പിച്ചത്. എന്നാല്‍, ശസ്ത്രക്രിയയ്ക്കു വേണ്ടി മയക്കി കിടത്തിയതിനു ശേഷം സുഷമയ്ക്ക് ബോധം തിരിച്ചു കിട്ടിയില്ല. തുടര്‍ന്നാണ് മെഡിക്കല്‍ കോളജിലേയ്ക്ക് മാറ്റിയത്. അതേസമയം സ്വകാര്യ ആശുപത്രിയിലെ പിഴവാണ് മരണകാരണമെന്ന് ആരോപിച്ച് ബന്ധുക്കള്‍ ആര്യങ്കോട് പോലീസില്‍ പരാതി നല്‍കി.

മക്കള്‍: അരുണ്‍, അനുപമ.

Also Read:

മന്‍സൂര്‍ അലി വധം; അഡ്വ. സി.കെ ശ്രീധരനെ സ്‌പെഷ്യല്‍ പ്രോസിക്യൂട്ടറായി നിയമിച്ച് സര്‍ക്കാര്‍ ഉത്തരവായി

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: Woman dies after surgery, Woman, News, Hospital, Treatment, Medical College, Complaint, Allegation, Police, Crime, Kerala.