കൊച്ചി: (www.kvartha.com 17.04.2017) കാത്തിരിപ്പിന് വിരാമം. വിശ്വ വിഖ്യാത എഴുത്തുകാരൻ എം ടി വാസുദേവൻ നായരുടെ രണ്ടാമൂഴം സിനിമയാകുന്നു. 1000 കോടി മുതൽ മുടക്കിൽ ഒരുങ്ങുന്ന സിനിമയുടെ നിർമ്മാണം പ്രമുഖ വ്യവസായി ബി ആർ ഷെട്ടിയാണ് നിർവ്വഹിക്കുന്നത്. എം ടി തന്നെ രചന നിർവ്വഹിക്കുന്ന ചിത്രം പരസ്യ സംവിധായകനായ വി എ ശ്രീകുമാർ മേനോൻ സംവിധാനം ചെയ്യും. സിനിമാ പ്രേക്ഷകരുടെ ചിരകാല സ്വപ്നം യാഥാർഥ്യമാകുന്ന കാര്യം മോഹൻലാൽ തന്നെയാണ് ഫെയ്സ്ബുക്ക് വീഡിയോയിലൂടെ പുറത്ത് വിട്ടത്.
ഇന്ത്യൻ സിനിമയിലെ തന്നെ ഏറ്റവും ചിലവേറിയ ചിത്രമാകും രണ്ടാമൂഴമെന്ന് മോഹൻലാൽ പറഞ്ഞു. ഇന്ത്യയിലെ സൂപ്പർ താരങ്ങൾക്ക് പുറമെ ഹോളിവുഡിലെ പ്രഗൽഭരും ചിത്രത്തിൽ അണി നിരക്കുമെന്നും അദ്ദേഹം വ്യക്തമാക്കി.
രണ്ട് ഭാഗങ്ങളായി ഷൂട്ടിംഗ് നടത്താൻ തീരുമാനിച്ച സിനിമയുടെ ആദ്യ ഭാഗം 2018 സെപ്റ്റംബറോടെയാണ് ചിത്രീകരിക്കാൻ തീരുമാനിച്ചിരിക്കുന്നത്. 2020 ഓടെ സിനിമ തിയേറ്ററുകളിലെത്തും. മലയാളത്തിന് പുറമെ ഇന്ത്യയിലെ പ്രധാനപ്പെട്ട പല ഭാഷകളിലും സിനിമ പുറത്തിറങ്ങും.
Credit: Facebook/Mohanlal
Summary: Mohanlal announces MT Vasudevan Nair's Randamoozham going make feature film. Famous business man BR Shetty will produce the cinema and the budget will be around 1000 crores, he added.