മഅ്ദനിക്ക് ചികിത്സ ലഭ്യമാക്കാന്‍ കേന്ദ്രമന്ത്രി കെ.സി. വേണുഗോപാല്‍ ഇടപെടുന്നു

കൊച്ചി: ബാംഗ്ലൂര്‍ സ്‌ഫോടന കേസില്‍ വിചാരണ തടവ് അനുഭവിക്കുന്ന അബ്ദുല്‍ നാസര്‍ മഅ്ദനിക്ക് ചികിത്സ ലഭ്യമാക്കാന്‍ കേന്ദ്രമന്ത്രി കെ.സി. വേണുഗോപാലിന്റെ ഇടപെടല്‍. മഅ്ദനിക്ക് വിദഗ്ദ്ധ ചികിത്സ നല്‍കണമെന്നാവശ്യപ്പെട്ട് കെ.സി. വേണുഗോപാല്‍ കേന്ദ്ര ആഭ്യന്തരമന്ത്രി സുശീല്‍കുമാര്‍ ഷിന്‍ഡയെ കണ്ടു.

ഭരണപക്ഷത്ത് നിന്ന് മുസ്ലീം ലീഗും പ്രതിപക്ഷത്ത് നിന്ന് സി.പി.എമ്മും മഅ്ദനിക്ക് ചികിത്സ നല്‍കണമെന്ന ആവശ്യവുമായി രംഗത്ത് വന്നതിന് പിറകെ മഅ്ദനിയുടെ ചികിത്സയ്ക്ക് വേണ്ട നടപടികള്‍ കൈക്കൊള്ളുമെന്ന് മുഖ്യമന്ത്രി ഉമ്മന്‍ചാണ്ടി കഴിഞ്ഞ ദിവസം നിയമസഭയില്‍ വ്യക്തമാക്കിയിരുന്നു. മുഖ്യമന്ത്രിയുടെ പ്രസ്താവനയ്ക്ക് ശേഷമാണ് കെ.സി. വേണുഗോപാലിന്റെ ഇടപെടലെന്നത് ശ്രദ്ധേയമാണ്. മദനിക്ക് ചികിത്സ ലഭ്യമാക്കണമെന്ന് കര്‍ണാടക മുഖ്യമന്ത്രിയോടും വേണുഗോപാല്‍ ആവശ്യപ്പെട്ടു.

Keywords: Abdul Nasar Madani, Kochi, K.C. Venugopal, Minister, Jail, Blast Case, Susheel Kumar Shinde, Kerala Vartha, Kvartha, Malayalam News, National News, Kerala News, International News, Sports News, Entertainment, Stock News.