ലുധിയാന: 57ാമത് ദേശീയ സ്‌കൂള്‍ കായികമേളയ്ക്ക് ലുധിയാനയില്‍ തുടക്കമായി. പതിനഞ്ചാം ദേശീയകിരീടം തേടിയാണ് കേരളത്തിന് ലുധിയാനയിലെ ശൈത്യം കടുത്ത വെല്ലുവിളിയുയര്‍ത്തുന്നുണ്ട്. തുടര്‍ച്ചയായി ആറാം ദേശീയ സ്‌കൂള്‍കായികമേളയ്ക്കിറങ്ങുന്ന പാലക്കാട് പറളി സ്‌കൂളിലെ എം.ഡി. താരയാണ് കേരളത്തെ നയിക്കുന്നത്. 5000, 3000, 1500 എന്നീയിനങ്ങള്‍ക്കു പുറമെ, ക്രോസ് കണ്‍ട്രിയിലും താര മത്സരിക്കുന്നു. ആദ്യദിവസം സീനിയര്‍ പെണ്‍കുട്ടികളുടെ 3000 മീറ്ററില്‍ താര മത്സരിക്കാനിറങ്ങും. 68 പെണ്‍കുട്ടികളും 56 ആണ്‍കുട്ടികളുമാണ് കേരളത്തിനുവേണ്ടി മത്സരരംഗത്തുള്ളത്. അത്‌ലറ്റിക്‌സില്‍ കേരളത്തിന്റെ മേല്‍ക്കോയ്മയെ ചോദ്യം ചെയ്യുന്ന ഹരിയാണയെയും പഞ്ചാബിനെയും പോലുള്ള എതിരാളികളുടെ വെല്ലുവിളിയും ഇത്തവണയുമുണ്ട്. 23ന് മീറ്റ് സമാപിക്കും.
Keywords: School, Meet, Indian athletes, National,
