എന്താണ് വൃക്കയിലെ കല്ലുകൾ?
കാൽസ്യം, ഫോസ്‌ഫേറ്റ്, ഓക്‌സലേറ്റ്, യൂറിക് ആസിഡ് തുടങ്ങിയ ലവണങ്ങളുടെ ചെറിയ തരികൾ വൃക്കയിൽ പരലുകളായി രൂപപ്പെടും. ഇത്തരം പരലുകൾ കൂടുതൽ എണ്ണം ഒന്നിച്ച് ചേർന്ന് വലുപ്പം കൂടി കട്ടിയേറിയ വസ്തുവായി മാറുന്നു. ഇവ വൃക്കകളിൽ രൂപപ്പെട്ട് മൂത്രവാഹിനിക്കുഴലിലേക്കും മൂത്രസഞ്ചിയിലേക്കുമൊക്കെ എത്താൻ സാധ്യതയുണ്ട്. ഇത്തരത്തിൽ കാണപ്പെടുന്ന കല്ലുകളാണ് മൂത്രത്തിൽ കല്ല് എന്നറിയപ്പെടുന്നത്. ഇത് അസഹനീയമായ വേദനയ്ക്ക് കാരണമാകുന്നു.
അതികഠിനമായ വയറു വേദന, ഓക്കാനം, ഛർദി, തണുപ്പ്, പനി, മൂത്രമൊഴിക്കുമ്പോൾ ബു‍‍ദ്ധിമുട്ടനുഭവപ്പെടുക, രക്തം കലര്‍ന്ന മൂത്രം തുടങ്ങിയവയാണ് ലക്ഷണങ്ങള്‍. ചികിത്സയ്ക്കായി, വേദനസംഹാരികള്‍ കഴിക്കാനും ധാരാളം വെള്ളം കുടിക്കാനും ഡോക്ടർമാർ നിർദേശിക്കാറുണ്ട്.
എന്താണ് പെർക്യുട്ടേനിയസ് നെഫ്രോലിത്തോട്ടമി?
ലേസർ സംവിധാനങ്ങളും ചെറിയകാമറയും ഉപയോഗിച്ച് രോഗിയെ ആന്തരികമായി നിരീക്ഷിച്ചുകൊണ്ടു തന്നെ പ്രത്യേക ഉപകരണങ്ങൾ ഉപയോഗിച്ച് ചെറിയ മുറിവുകൾ ഉണ്ടാക്കി ശസ്ത്രക്രിയ നടത്തുന്ന പ്രക്രിയയാണ് പിസിഎൻഎൽ. ആവശ്യമായ ഉപകരണങ്ങള്‍ വൃക്കയിൽ എത്തിച്ച ശേഷം വലിയ മുറിവുകള്‍ സൃഷ്‌ടിക്കാതെ തന്നെ കല്ലുകള്‍ നീക്കം ചെയ്യാന്‍ സാധിക്കുന്നു എന്നതാണ് ഈ രീതിയുടെ പ്രത്യേകത. അതോടൊപ്പം സാധാരണ ശസ്ത്രക്രിയകള്‍ക്ക് ശേഷം ഉണ്ടാകാറുള്ള പ്രയാസങ്ങൾ കുറയ്ക്കുകയും രോഗിയുടെ ആരോഗ്യം വേഗത്തില്‍ വീണ്ടെടുക്കാന്‍ സഹായിക്കുകയും ചെയ്യുന്നു
Keywords: News, National, Hyderabad, Kidney Stones, Health, Lifestyle, Surgery, Hospital, Pain, Treatment, Doctors at Hyderabad hospital remove 418 kidney stones from patient with only 27% kidney function, Shamil.
< !- START disable copy paste -->