Health Benefits | റമദാനിലെ വ്രതം: ആരോഗ്യ ഗുണങ്ങള്‍ ഏറെ; അറിയാം കൂടുതൽ

ന്യൂഡെൽഹി: (www.kvartha.com) റമദാനിലെ വ്രതം ഇസ്‌ലാമിന്റെ അഞ്ച് തൂണുകളിൽ ഒന്നാണ്, ആത്മസംസ്‌കരണം, സഹജീവികളോടുള്ള അനുകമ്പ, ഭക്തി എന്നിവയ്ക്കുള്ള പ്രത്യേക സമയമാണിത്. റമദാനിൽ മുസ്ലിംകൾ ഏകദേശം 12-15 മണിക്കൂർ വ്രതം അനുഷ്ഠിക്കുന്നു. ഒരു മാസത്തേക്ക് സൂര്യോദയത്തിനും സൂര്യാസ്തമയത്തിനും ഇടയിൽ ഒന്നും കഴിക്കുകയോ കുടിക്കുകയോ ചെയ്യാതിരിക്കുന്നത് ആരോഗ്യത്തിന്റെ കാര്യത്തിൽ വളരെ നല്ലതാണെന്നാണ് ആരോഗ്യ വിദഗ്ധർ പറയുന്നത്. റമദാനിലെ വ്രതാനുഷ്ഠാനത്തിന് ഏറെ ആരോഗ്യഗുണങ്ങളുണ്ടെന്ന് അവർ വ്യക്തമാക്കുന്നു.

ശരീരഭാരം കുറയ്ക്കാം

ഇന്നത്തെ കാലത്ത്, മോശം ജീവിതശൈലി കാരണം, മിക്ക ആളുകളും പൊണ്ണത്തടി പ്രശ്നം കൊണ്ട് അലട്ടുന്നു. അത്തരമൊരു സാഹചര്യത്തിൽ, നോമ്പിലൂടെ ശരീരഭാരം കുറയ്ക്കാനും കഴിയും. നോമ്പ് കാലത്ത്, വയറ് ഏകദേശം 12-15 മണിക്കൂർ ശൂന്യമായി തുടരുന്നതിനാൽ, കലോറി ഉപഭോഗം കുറയ്ക്കുന്നു. ദഹനവ്യവസ്ഥയ്ക്ക് വിശ്രമിക്കാനുള്ള അവസരം ലഭിക്കുന്നു. ഇത് ശരീരഭാരം കുറയ്ക്കാൻ സഹായിക്കുന്നു.

കൊളസ്ട്രോളിന്റെ അളവ് കുറയ്ക്കും

ശരീരഭാരം കുറയ്ക്കാൻ പ്രോത്സാഹിപ്പിക്കുന്നതിനു പുറമേ, കലോറി കുറവുള്ള ഭക്ഷണക്രമവും ഭക്ഷണരീതിയും രക്തസമ്മർദം കുറയ്ക്കുകയും രക്തത്തിലെ പഞ്ചസാരയുടെ നിയന്ത്രണം വർധിപ്പിക്കുകയും തലച്ചോറിന്റെ പ്രവർത്തനം സംരക്ഷിക്കുകയും ചെയ്യും. ഒരു മാസത്തെ വ്രതം ഹാനികരമായ കൊളസ്ട്രോളിന്റെ അളവ് കുറയ്ക്കുകയും രക്താതിമർദത്തിന്റെ സാധ്യത കുറയ്ക്കുകയും ചെയ്യുന്നു. ഇവ രണ്ടും രോഗപ്രതിരോധ സംവിധാനത്തെ ശക്തിപ്പെടുത്തും.

ശരീരത്തിലെ വിഷാംശം ഇല്ലാതാക്കുന്നു

നോമ്പിലൂടെ ശരീരം വിഷാംശം ഇല്ലാതാക്കുന്നു. വ്രത സമയത്ത് ദഹനവ്യവസ്ഥയ്ക്ക് വിശ്രമിക്കാനുള്ള അവസരം ലഭിക്കുന്നതാണ് ഇതിന് പിന്നിലെ കാരണം. സാധാരണ ദിവസങ്ങളിൽ ദഹനേന്ദ്രിയങ്ങൾ ചെയ്യേണ്ട ജോലികൾ വ്രതസമയത്ത് ആവശ്യമില്ല. ഇതുമൂലം, ശരീരത്തിന് വിഷാംശം ഇല്ലാതാക്കാനും ശരീരത്തിൽ നിന്ന് വിഷവസ്തുക്കൾ പുറത്തുവരാനും കഴിയും. നിത്യേന കഴിക്കുന്ന ആഹാരത്തിന്റെ വിഷാംശങ്ങൾ ശരീരത്തിൽ ഒരു വശത്ത് അടിഞ്ഞു കൂടുകയും ശരീരഭാരം വർധിച്ച് ഊർജത്തിന് ഭംഗം വരുത്തി ഒരാൾ രോഗിയാക്കി മാറുകയും ചെയ്യാറുണ്ട്. ഈ വിഷാംശങ്ങൾ ശരീരത്തിൽ നിന്ന് ഒഴിഞ്ഞുപോവാൻ നോമ്പ് സഹായിക്കുന്നു.

വേറെയുമുണ്ട് ഗുണങ്ങൾ

കൂടാതെ തലച്ചോറിന്റെ ആരോഗ്യത്തിന് നിർണായകമെന്ന് അറിയപ്പെടുന്ന നിരവധി ഉപാപചയ പ്രക്രിയകൾ വ്രതത്തിലൂടെ മെച്ചപ്പെടുന്നു. മനുഷ്യ ശരീരത്തിലെ ഗ്രന്ഥികൾ, ആമാശയം, പ്ലീഹ, കിഡ്നി, കെണിപ്പുകൾ, ഹൃദയം, തൊലി, പ്രമേഹം, രക്ത ഗ്രന്ഥികൾ, അണു നശീകരണം, പ്രത്യേകിച്ച് കരൾ എന്നീ അവയവങ്ങൾക്കെല്ലാം പ്രത്യേകം ഗുണം ചെയ്യുന്നതാണ് വ്രതാനുഷ്ഠാനമെന്ന് തെളിയിക്കപ്പെട്ടിട്ടുണ്ട്. അതോടൊപ്പം വൈറസ്, ബാക്ടീരിയ ശക്തികളെ തടഞ്ഞ് ശരീരത്തിന്റെ പ്രതിരോധ ശേഷി വർധിപ്പിക്കാനും വ്രതാനുഷ്ഠാനം സഹായിക്കും. നോമ്പ് അനുഷ്ഠിക്കുക എന്നതിനർഥം പട്ടിണി കിടക്കുക മാത്രമല്ല, ഈ സമയത്ത് ഇന്ദ്രിയങ്ങളെ നിയന്ത്രിക്കാനും കഴിയും.

Keywords: New Delhi, National, News, Ramadan, Health, Islam, Muslim, Food, Disease, Top-Headlines, Ramadan: Health Benefits Of Fasting
< !- START disable copy paste -->