കണ്ണൂർ: (www.kvartha.com) എകെജി സെന്റർ അക്രമിച്ച സംഭവം എൽഡിഎഫ് കൺവീനർ ഇപി ജയരാജന്റെ നാടകമെന്ന് കെപിസിസി അധ്യക്ഷൻ കെ സുധാകരൻ. കണ്ണൂരിൽ മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. ഇപി ജയരാജൻ വ്യക്തിപരമായി ആസൂത്രണം ചെയ്തു നടപ്പിലാക്കിയതാണിത്. സിപിഎമിനെ ഞാൻ പറയുന്നില്ല. എന്നാൽ ജയരാജനിതിൽ പങ്കുണ്ട്.
ബോംബേറിഞ്ഞത് കോൺഗ്രസുകാരാണെന്ന് ഇപി ജയരാജൻ കണ്ടതുപോലെയാണ് പറഞ്ഞത്. സിസിടിവി ക്യാമറയില്ലാത്ത സ്ഥലത്ത് നിന്നും ബോംബെറിഞ്ഞത് എകെജി സെന്ററിനെ കുറിച്ചു നന്നായി അറിയാവുന്നയാളാണെന്ന് വ്യക്തമാണ്. ബോംബെറിഞ്ഞ സംഭവത്തിലെ പ്രതിയെ പിടിക്കാതെ കോൺഗ്രസുകാരെ പഴിചാരുന്നത് വീണ്ടും അക്രമമഴിച്ചു വിടാനാനാണ്.
കോൺഗ്രസിന്റെ ദേശീയ നേതാവായ രാഹുൽ ഗാന്ധി വെള്ളിയാഴ്ച കേരളത്തിൽ വരുമ്പോൾ അക്രമമഴിച്ചു വിടാൻ അത്ര ബുദ്ധി ശുന്യരാണോ കോൺഗ്രസുകാർ. രാഹുൽ ഗാന്ധി വയനാട്ടിൽ വെള്ളിയാഴ്ച വരുമ്പോൾ എംപി ഓഫിസ് അക്രമിച്ച വിഷയത്തിൽ നിന്നും ശ്രദ്ധ തിരിക്കാനാണ് എകെജി സെന്ററിനെതിരെ അക്രമം നടത്തിയതെന്ന് സംശയിക്കുന്നതായി സുധാകരൻ കൂട്ടിച്ചേർത്തു.
Keywords: CPM, Rahul Gandhi, KPCC, LDF, Top-Headlines, Kannur, Attack, News ,Politics, Bomb, Kerala, K.Sudhakaran, Political party, K Sudhakaran said that AKG center attack is drama of EP Jayarajan.