സാമ്പത്തിക വളര്‍ച്ചയില്‍ ഇന്ത്യക്ക് മുന്നേറ്റം; ചൈനയെ മറികടന്നു

ന്യൂഡല്‍ഹി: (www.kvartha.com 01.06.2016) സാമ്പത്തിക വളര്‍ച്ചയില്‍ ഇന്ത്യക്ക് അപ്രതീക്ഷിത മുന്നേറ്റം. ലോകത്തില്‍ അതിവേഗം വളര്‍ന്നു കൊണ്ടിരിക്കുന്ന ഏറ്റവും വലിയ സാമ്പത്തിക ശക്തി എന്ന സ്ഥാനം വീണ്ടും ഉറപ്പിച്ചു. 2016 ആദ്യ പാദത്തില്‍ ഇന്ത്യ 7.9% സാമ്പത്തിക വളര്‍ച്ചയാണ് റിപ്പോര്‍ട്ട് ചെയ്തത്.

ലോകത്തിലെ മറ്റ് വന്‍ ശക്തികളെയും മറികടന്ന പ്രകടനമാണ് ഈ പാദത്തില്‍ ഉണ്ടായിരിക്കുന്നത്. 2015 ഡിസംബറില്‍ 7.2% ആയിരുന്നു വളര്‍ച്ച. ഇന്ത്യ 7.9 ശതമാനം വളര്‍ച്ച രേഖപ്പെടുത്തിയപ്പോള്‍ 6.7 ശതമാനം മാത്രമാണ് ചൈനയുടെ സാമ്പത്തിക മേഖലയില്‍ രേഖപ്പെടുത്തിയത്.

സ്വകാര്യമേഖലയിലാണ് കാര്യമാത്രമായ വളര്‍ച്ച രേഖപ്പെടുത്തിയിരിക്കുന്നത്. വൈദ്യുതോല്‍പാദന രംഗത്തും ഖനന മേഖലയിലും വലിയ രീതിയില്‍ തന്നെ മുന്നേറ്റം രേഖപ്പെടുത്തി.

Keywords: New Delhi, National, Kerala, Economic Crisis, India, China, Report, World, Business, Economic Growth,Economic.