.jpg "National Biodiversity Congress Concludes with Strategic Conclusions")
കോണ്‍ഗ്രസ്സിന്റെ ഉദ്ഘാടനത്തില്‍ വിഡിയോ കോണ്‍ഫറന്‍സിലൂടെ പങ്കെടുത്ത ഡോ.സാം പിട്രോഡ “നാഷണല്‍ ഇന്നവേഷന്‍ കൗണ്‍സില്‍ ഓണ്‍ ബയോഡൈവേഴ്‌സിറ്റി” രൂപീകരിക്കുന്നത് സംബന്ധിച്ച നിര്‍ദ്ദേശം മുന്നോട്ടു വയ്ക്കുകയുണ്ടായി. ജൈവവൈവിധ്യ സംരക്ഷണം, അതിന്റെ നീതിപൂര്‍വ്വമായ ഉപയോഗം, അതില്‍നിന്നുണ്ടാകുന്ന നേട്ടം തദ്ദേശീയ സമൂഹവുമായി പങ്കുവയ്ക്കല്‍, ജൈവവൈവിധ്യവുമായി ബന്ധപ്പെട്ട നയങ്ങളും മറ്റും രൂപീകരിക്കല്‍ തുടങ്ങി ഒട്ടേറെ രംഗങ്ങളില്‍ നാഷണല്‍ ഇന്നവേഷന്‍ കൗണ്‍സിലിന് കനത്ത സംഭാവന നല്‍കുവാനാകുമെന്ന് സാം പിട്രോഡ അഭിപ്രായപ്പെട്ടു.
COP 11 ഹൈദരാബാദില്‍ അടുത്തിടെ നടന്ന സാഹചര്യത്തില്‍ ഇത്തരത്തിലുള്ളൊരു കൗണ്‍സില്‍ ഭാരതത്തിന്റെ ഈ മേഖയിലെ പ്രവര്‍ത്തനങ്ങള്‍ക്ക് ആക്കംകൂട്ടുമെന്ന് നാഷണല്‍ ബയോഡൈവേഴ്‌സിറ്റി അതോറിറ്റി ചെയര്‍മാന്‍ ഡോ.ബാലകൃഷ്ണ പിശുപതി പറഞ്ഞു. ഇത്തരത്തിലുള്ള കൗണ്‍സില്‍ രൂപീകരിക്കുന്ന പ്രഥമ രാഷ്ട്രമായിരിക്കും ഭാരതം.
കോണ്‍ഗ്രസ്സിന്റെ ഉദ്ഘാടന വേളയില്‍ പ്രധാനമന്ത്രിയുടെ പ്രിന്‍സിപ്പല്‍ സയന്‍സ് അഡ്‌വൈസര്‍ ഡോ.ആര്‍.ചിതംബരം ഒരു നാഷണല്‍ ബയോഡൈവേഴ്‌സിറ്റി ഗ്രിഡ് രൂപീകരിക്കുന്ന കാര്യം വ്യക്തമാക്കുകയുണ്ടായി. രാജ്യത്തിന്റെ ജൈവവൈവിധ്യ ഡാറ്റാ ശേഖരിക്കല്‍, അതിന്റെ അപഗ്രഥനം തുടങ്ങിയ നാഷണല്‍ ബയോഡൈവേഴ്‌സിറ്റി അതോറിറ്റിയുടെ പ്രവര്‍ത്തനങ്ങള്‍ക്ക് വേണ്ട സഹായവും പിന്‍തുണയും ഈ ഗ്രിഡ് നല്‍കും. കൂടാതെ ജൈവവൈവിധ്യത്തിന്റ സംരക്ഷണത്തിനും അതിന്റെ നീതിപൂര്‍വ്വമായ ഉപയോഗത്തിനും, ഇതുമായി ബന്ധപ്പെട്ട നയരൂപീകരിണത്തിനും ഗ്രിഡ് സഹായകരമാവും. ജൈവവൈവിധ്യം സംബന്ധിച്ച ദേശീയാടിസ്ഥാന ഒരു ജൈവവൈവിധ്യ വിവരശേഖരണ സംവിധാനം രൂപീകരിക്കുന്നതിനും ഗ്രിഡ് പിന്‍തുണ നല്‍കും.
രാജ്യത്തിന്റെ ജൈവവൈവിധ്യം സംരക്ഷിക്കുന്നതിനും ആരോഗ്യകരമായ പാരിസ്ഥിതിക വ്യവസ്ഥ നിലനിര്‍ത്തുന്നതിനും യോജിച്ച പ്രവര്‍ത്തനം അത്യാവശ്യമാണെന്ന് ബഹു.കേന്ദ്രമന്ത്രി ഡോ.ശശീതരൂര്‍ അഭിപ്രായപ്പെട്ടു.
പശ്ചിമഘട്ടത്തിലെ ജൈവവൈവിധ്യം, കാര്‍ഷിക ജൈവവൈവിധ്യ സംരക്ഷണം, ജൈവവൈവിധ്യ സംരക്ഷണത്തില്‍ സാമാന്യ ജനങ്ങള്‍ക്കുള്ള പങ്ക്, ബയോഇന്‍ഫൊര്‍മേറ്റീവ്/ബയോടെക്നോളജി രംഗങ്ങളിലെ പുതിയ മുന്നേറ്റങ്ങള്‍ തുടങ്ങി ഒട്ടേറെ വിഷയങ്ങള്‍ കോണ്‍ഗ്രസ്സില്‍ അവതരിപ്പിക്കുകയുണ്ടായി.
കൂടാതെ നാഷണല്‍ ബയോഡൈവേഴ്‌സിറ്റി കോണ്‍ഗ്രസ്സുമായി ബന്ധപ്പെട്ട്, എക്‌സ്‌പോ, കുട്ടികളുടെ പരിസ്ഥിതി കോണ്‍ഗ്രസ്സ്, ഹരിത സംഗമം, ബി.എം.സി/എന്‍.ജി.ഒ മീറ്റ് തുടങ്ങി ശ്രദ്ധേയമായ പല പരിപാടികള്‍ നടന്നു. ഇത് വരും വര്‍ഷങ്ങളിലും നടത്തുമെന്ന് ഡോ.പിശുപതി പറഞ്ഞു. 2013 ഒക്‌ടോബര്‍ 3 മുതല്‍ 5 വരെ അടുത്ത നാഷണല്‍ ബയോഡൈവേഴ്‌സിറ്റി കോണ്‍ഗ്രസ്സ് കൊല്‍ക്കത്തയില്‍ നടക്കും.
ജൈവവൈവിധ്യ സംരക്ഷണ രംഗത്ത് വികേന്ദ്രീകൃതവും, തദ്ദേശീയവുമായ ഭരണകൂടങ്ങളുടെയും ജൈവവൈവിധ്യ പരിപാലന സമിതികളുടെയും സഹായത്തോടെ നടപ്പാക്കുന്ന ഒരു “കേരളാ ജൈവവൈവിധ്യ സംരക്ഷണ മാതൃക” നടപ്പാക്കാന്‍ കഴിഞ്ഞതില്‍ ചാരിഥാര്‍ത്യമുണ്ടെന്ന് ബോര്‍ഡ് മെമ്പര്‍ സെക്രട്ടറി ഡോ.കെ.പി.ലാദാസ് പറഞ്ഞു.
കേരള ജൈവവൈവിധ്യ ബോര്‍ഡിന്റെ പ്രവര്‍ത്തനങ്ങള്‍ കൂടുതല്‍ ജനകീയമാക്കുമെന്ന് ബോര്‍ഡ് ചെയര്‍മാന്‍ ഡോ.ഉമ്മന്‍ വി.ഉമ്മന്‍ പറഞ്ഞു. ക്വാറികളിലെ ജൈവവൈവിധ്യം പുനരൂജ്ജീവിപ്പിക്കല്‍, നഗരങ്ങളിലെ ജലാശയങ്ങളുടെ സംരക്ഷണം, പമ്പാ നദിയുടെ സംരക്ഷണം, നാടുനീങ്ങുന്ന വിളയിനങ്ങളുടെയും വളര്‍ത്തു മൃഗങ്ങളുടെയും സംരക്ഷണം തുടങ്ങിയവ ബോര്‍ഡിന്റെ ഇതുമായി ബന്ധപ്പെട്ട പ്രവര്‍ത്തനങ്ങളില്‍ ചിലതാണ്.
നാഷണല്‍ ബയോഡൈവേഴ്‌സിറ്റി എക്‌സ്‌പോയിലെ മികച്ച സ്റ്റാളുകളായി നാഷണല്‍ മ്യൂസിയം ഓഫ് നാച്യുറല്‍ ഹിസ്റ്ററി (പ്രത്യേക പുരസ്‌കാരം), CMFRI (ഗവ. സ്ഥാപനങ്ങള്‍) MSSRF (എന്‍.ജി.ഒ. സ്ഥാപനങ്ങള്‍), SB കോളജ്, ചങ്ങനാശ്ശേരി (വിദ്യാര്‍ത്ഥികള്‍), ശ്രീ.രവീന്ദ്രന്‍ (വ്യക്തികള്‍) എന്നിവരുടെ സ്റ്റാളുകള്‍ തെരഞ്ഞെടുത്തു.
മണ്ണും പര്യവേഷണ, മണ്ണു സംരക്ഷണ വകുപ്പ്, KUFOS, ATREE, Centre for Venom
Informatics എന്നിവയുടെ സ്റ്റാളുകളും മികച്ച നിലവാരം പുലര്‍ത്തിയെന്ന് ജഡ്ജിംങ് കമ്മിറ്റി അഭിപ്രായപ്പെട്ടു.
Keywords: Conference, Congress, Kerala, Thiruvananthapuram, Kolkata, Farmers, Shashi Taroor, Central Government, NGO, CMFRI, MSSRF, SB College, KUFOS, ATREE, Centre for Venom Informatics, National Biodiversity Congress Concludes with Strategic Conclusions