ഇതുകൂടാതെ, ഇന്ത്യയുടെ സമ്പദ്വ്യവസ്ഥയുടെ ചില ഭാഗങ്ങൾ ടൂറിസവുമായി ബന്ധപ്പെട്ടിരിക്കുന്നു. ടൂറിസം വഴി കോടിക്കണക്കിന് ആളുകൾക്ക് തൊഴിൽ ലഭിക്കുന്നു. രാജ്യത്തിന്റെ ജിഡിപിയുടെ വളർച്ചയിൽ ടൂറിസത്തിനും പ്രത്യേക പങ്കുണ്ട്. കോവിഡിന് ശേഷം ടൂറിസം വ്യവസായത്തെ സാരമായി ബാധിച്ചു. എന്നിരുന്നാലും, ഇപ്പോൾ ടൂറിസം ബിസിനസ് ട്രാക്കിൽ തിരിച്ചെത്തിയിരിക്കുന്നു. അത്തരമൊരു സാഹചര്യത്തിലാണ് ഈ വർഷം ഇന്ത്യൻ ടൂറിസം ദിനം ആവേശത്തോടെ ആഘോഷിക്കുന്നത്. എന്നാൽ ദേശീയ വിനോദസഞ്ചാര ദിനം എപ്പോൾ, എന്തിനാണ് ആരംഭിച്ചതെന്ന് നിങ്ങൾക്കറിയാമോ?
ടൂറിസം ദിനത്തിന്റെ ചരിത്രം:
സ്വാതന്ത്ര്യലബ്ധിക്ക് ശേഷമാണ് ടൂസം ദിനം ആഘോഷിക്കാൻ തുടങ്ങിയത്. 1948-ൽ ടൂറിസം മേഖലയുടെ കാര്യങ്ങളും വികസനവും നിരീക്ഷിക്കുന്നതിനായി ഇന്ത്യൻ സർക്കാർ ടൂറിസം ആന്റ് കമ്മ്യൂണിക്കേഷൻ മന്ത്രാലയം സ്ഥാപിച്ചു. ദേശീയ ടൂറിസം ദിനം സർക്കാർ ആചരിക്കാൻ തുടങ്ങിയതും ഇതേ സമയത്താണ്.
സ്വതന്ത്ര ഇന്ത്യയിൽ വിനോദസഞ്ചാരത്തിന്റെ പ്രാധാന്യം മനസിലാക്കി അതിന്റെ പ്രചാരണത്തിനായി 1951-ൽ ടൂറിസ്റ്റ് ട്രാഫിക് കമ്മിറ്റി രൂപീകരിച്ചിരുന്നു. മൂന്ന് വർഷത്തിന് ശേഷം, കൊൽക്കത്തയിലെയും ചെന്നൈയിലെയും റീജിയണൽ ഓഫീസുകൾ തുറന്നു. പിന്നീട് ഡൽഹി, മുംബൈ, കൊൽക്കത്ത, ചെന്നൈ എന്നിവിടങ്ങളിലും ടൂറിസം ഓഫീസുകൾ സ്ഥാപിച്ചു.
ദേശീയ ടൂറിസം ദിനം
ഈ ദിനം ആഘോഷിക്കുന്നതിന്റെ ലക്ഷ്യം ഇന്ത്യൻ വിനോദസഞ്ചാര കേന്ദ്രങ്ങളെ പ്രോത്സാഹിപ്പിക്കുക എന്നതാണ്. വിനോദസഞ്ചാര മേഖലയിൽ പ്രവർത്തിക്കുന്ന അനവധി പേരുടെ സംഭാവനകൾ തിരിച്ചറിയുന്നതിനും ഈ ദിനം സഹായിക്കുന്നു. വിനോദസഞ്ചാരികളുടെ അനുഭവം മെച്ചപ്പെടുത്തുന്ന സൗകര്യങ്ങൾ വികസിപ്പിക്കുന്നതിലും ഈ ദിവസം ശ്രദ്ധ കേന്ദ്രീകരിക്കുന്നു.
Keywords: News, National, New Delhi, Tourism Day, History, Travel, Tourism, National Tourism Day: History and Significance.
< !- START disable copy paste -->