ഉത്സവത്തിന്റെ ഏറ്റവും പ്രധാനപ്പെട്ട ആഘോഷങ്ങള്‍ അവസാന അഞ്ച് ദിവസങ്ങളിലാണ്. വിവിധ ആചാരങ്ങളും പൂജകളും കമനീയമായ പന്തലുകളില്‍ നടത്തുന്നു. പന്തലുകള്‍ ദീപാലങ്കാരങ്ങളാല്‍ തിളങ്ങുന്നത് രസക്കാഴ്ചയാണ്. ഈ പന്തലുകള്‍ ദുര്‍ഗാ ദേവിയുടെയും മറ്റ് ദേവതകളുടെയും വിഗ്രഹങ്ങള്‍ക്കായി താല്‍ക്കാലിക ഭവനങ്ങളായി വര്‍ത്തിക്കുന്നു. ഈ സൃഷ്ടികള്‍ക്കു പിന്നില്‍ നിരവധി കലാകാരന്‍മാരുടെ പങ്കാളിത്തമുണ്ട്.
കൊല്‍ക്കത്ത , പ്രത്യേകിച്ച്, അതിമനോഹരമായ ദുര്‍ഗ പൂജ പന്തലുകള്‍ക്ക് പേരുകേട്ടതാണ്, ഓരോന്നും പാരമ്പര്യവും സര്‍ഗാത്മകതയും വിളംബരപ്പെടുത്തുന്നു. ഈ അവസരത്തില്‍, നല്ല കാഴ്ചകള്‍ക്കായി സന്ദര്‍ശിക്കേണ്ട ചില ഐതിഹാസിക ദുര്‍ഗാ പൂജ പന്തലുകള്‍ ഇതാ:
എക്ദാലിയ എവര്‍ഗ്രീന്‍ (കൊല്‍ക്കത്ത)
കൊല്‍ക്കത്തയിലെ ഗരിയാഹത്തിന് സമീപം സ്ഥിതി ചെയ്യുന്ന ഈ പ്രശസ്തമായ ദുര്‍ഗാ പൂജ പന്തല്‍ അതിന്റെ ഊര്‍ജസ്വലവും കലാപരവുമായ അലങ്കാരങ്ങള്‍ക്ക് പേരുകേട്ടതാണ്, പലപ്പോഴും പ്രശസ്തമായ ഹിന്ദു ക്ഷേത്രങ്ങളുടെ പകര്‍പ്പുകള്‍ പോലെയാണ് ഇവ. 1943 മുതല്‍ തെക്കന്‍ കൊല്‍ക്കത്തയിലെ എക്ദാലിയ എവര്‍ഗ്രീന്‍ ക്ലബ്, തലസ്ഥാനത്തെ ഏറ്റവും അറിയപ്പെടുന്ന ദുര്‍ഗാ പൂജ പന്തലുകളില്‍ ഒന്നാണ്.
ബദാംതല അഷര്‍ സംഘ (കൊല്‍ക്കത്ത)
80 വര്‍ഷത്തിലേറെയായി കൊല്‍ക്കത്തയിലെ ദുര്‍ഗാ പൂജ രംഗത്തില്‍ ഇടംപിടിച്ച കാളിഘട്ടിന് സമീപമുള്ള ഈ പന്തല്‍ മനോഹരവും എന്നാല്‍ ലളിതവുമായ വിഗ്രഹങ്ങള്‍ക്കും പ്രദര്‍ശനങ്ങള്‍ക്കും പേരുകേട്ടതാണ്.
ചിത്തരഞ്ജന്‍ പാര്‍ക്ക് മേള ഗ്രൗണ്ട് ദുര്‍ഗാ പൂജ (ഡെല്‍ഹി)
'മിനി-ബംഗാള്‍' എന്ന് വിളിക്കപ്പെടുന്ന ദക്ഷിണ ഡെല്‍ഹിയിലെ ചിത്തരഞ്ജന്‍ പാര്‍ക്ക് ആധികാരിക ബംഗാളി സാംസ്‌കാരിക അനുഭവം നല്‍കുന്നു. മനോഹരമായി നിര്‍മിച്ച പന്തലുകള്‍, സംഗീതോത്സവങ്ങള്‍, നൃത്ത പ്രകടനങ്ങള്‍ എന്നിവ ദുര്‍ഗ പൂജ എന്നിവ ഇവിടത്തെ ആഘോഷത്തില്‍ ഉള്‍പ്പെടുന്നു.
ബംഗാളി ക്ലബ്‌സ് ദുര്‍ഗോത്സവ് (മുംബൈ)
മുംബൈയിലെ ഏറ്റവും പഴക്കമേറിയതും വലുതുമായ ദുര്‍ഗാപൂജ പന്തലുകളില്‍ ഒന്നാണിത്. ദാദര്‍ വെസ്റ്റിലെ ശിവാജി പാര്‍ക്കിന് സമീപം സ്ഥിതി ചെയ്യുന്ന ഇത് ചെളിയും കെമിക്കല്‍ രഹിത പെയിന്റുകളും കൊണ്ട് നിര്‍മിച്ച പരിസ്ഥിതി സൗഹൃദ വിഗ്രഹങ്ങള്‍ക്ക് പേരുകേട്ടതാണ് .
ലോഖണ്ഡ്വാല ദുര്‍ഗോത്സവ് (മുംബൈ)
ലോഖണ്ഡ്വാല ദുര്‍ഗോത്സവ് കമിറ്റിയുടെ നേതൃത്വത്തിലുള്ള ഈ പന്തല്‍ സെലിബ്രിറ്റികളുടെ പ്രിയപ്പെട്ട സ്ഥലമാണ്. ബോളിവുഡ് പിന്നണി ഗായകന്‍ അഭിജിത്ത് ഭട്ടാചാര്യയാണ് സംഘാടക ടീമിന്റെ പ്രസിഡന്റ്. അന്ധേരിയിലെ (പടിഞ്ഞാറ്) ലോഖണ്ഡ്വാല ദുര്‍ഗാ പൂജാ ഗ്രൗണ്ടിലാണ് ആഘോഷങ്ങള്‍ നടക്കുന്നത്.
ജയമഹല്‍ ദുര്‍ഗാ പൂജ (ബെംഗ്‌ളുറു)
ബെംഗ്ലൂരിലെ ഏറ്റവും പഴക്കമേറിയ ആഘോഷങ്ങളില്‍, ജയമഹല്‍ ദുര്‍ഗാപൂജ സവിശേഷമാണ്. പൂജാ ചടങ്ങുകള്‍ക്ക് പുറമേ , ആചാരങ്ങളും അനുഷ്ഠാനങ്ങളും സമന്വയിക്കുന്ന സാംസ്‌കാരിക പരിപാടികള്‍ നടക്കുന്നു.
Keywords: Hindu Festival, Malayalam News, Rituals, Durga Puja, Indian Festival, Durga Puja: Popular pandals around India.
< !- START disable copy paste -->