കൊച്ചി: (www.kvartha.com 01.11.2021) തിങ്കളാഴ്ച പുലര്‍ച്ചെ വാഹനാപകടത്തില്‍ മരിച്ച മിസ് കേരള 2019 അന്‍സി കബീറി(25)ന്റെ അവസാന ഇന്‍സ്റ്റഗ്രാം പോസ്റ്റ് സുഹൃത്തുക്കളെയും ആരാധകരെയും കൂടുതല്‍ ദു:ഖത്തിലാഴ്ത്തുന്നു. ഒരു ദിവസം മുമ്പാണ് 'ഇറ്റ്‌സ് ടൈം ടു ഗോ'( പോകാന്‍ സമയമായി) എന്ന അടിക്കുറിപ്പില്‍ ദൂരേക്ക് നടന്നുനീങ്ങുന്ന വീഡിയോയാണ് അന്‍സി ഇന്‍സ്റ്റയില്‍ പങ്കുവെച്ചത്. നിരവധിപേര്‍ അന്‍സിയുടെ പോസ്റ്റിന് കീഴില്‍ ദുഃഖം രേഖപ്പെടുത്തി.
മുന്‍ മിസ് കേരളയായ അന്‍സി കബീറും റണറപായ ഡോ. അഞ്ജന ഷാജനും സഞ്ചരിച്ച വാഹനം അപകടത്തില്‍ പെട്ടത്. ഇവര്‍ സഞ്ചരിച്ചിരുന്ന കാര്‍ എറണാകുളം ബൈപാസ് റോഡില്‍ ഹോളിഡേ ഇന്‍ ഹോടെലിന് മുമ്പില്‍വച്ച് അപകടത്തില്‍പ്പെടുകയായിരുന്നു. ബൈകുമായി കൂട്ടിയിടിക്കാതിരിക്കാന്‍ ശ്രമിക്കുന്നതിനിടെയായിരുന്നു അപകടം. ഇരുവരും സംഭവസ്ഥവത്ത് വച്ച് തന്നെ മരിച്ചു. കൂടുണ്ടായിരുന്ന രണ്ട് പേരുടെ നില ഗുരുതരമായി തുടരുന്നു. തിരുവനന്തപുരം ആറ്റിങ്ങല്‍ ആലങ്കോട് സ്വദേശിനിയാണ് അന്‍സി. തൃശൂര്‍ സ്വദേശിനിയാണ് അഞ്ജന ഷാജന്‍.