മുംബൈ: (www.kvartha.com 29.06.2021) കാലികളെ മേയ്ക്കാന് പോയ 15 കാരന് ഇടിമിന്നലേറ്റു ദാരുണാന്ത്യം. മഹാരാഷ്ട്രയിലെ പാല്ഗഢ് ജില്ലയിലാണ് നാടിനെ നടുക്കിയ ദുരന്തം സംഭവിച്ചത്. മൊബൈല് ഫോണിന് സിഗ്നല് തിരഞ്ഞ് മരത്തില് കയറിയപ്പോഴാണ് മിന്നലേറ്റത്.
ദഹാനുയിലെ മങ്കര്പാഡയില് നാലു കുട്ടികള് കാലികളെ മേയ്ക്കാന് പോയതായിരുന്നു. ഈ സമയം മൊബൈല് ഫോണ് കണക്ഷന് മുറിഞ്ഞതോടെ മരത്തില് കയറി നിന്ന് സിഗ്നല് കിട്ടുമോയെന്ന് നോക്കിയതായിരുന്നു 15കാരന്. ഇതിനിടെ പെട്ടെന്ന് ഇടിമിന്നലോടു കൂടിയ കനത്ത മഴയും എത്തുകയായിരുന്നു.
ശക്തമായ മിന്നലേറ്റുവീണ നാലു പേരുടെയും ബോധം പോയി. ഇതില് രവീന്ദ്ര കോര്ഡയെന്ന കൗമാരക്കാരന് തത്ക്ഷണം മരിക്കുകയായിരുന്നു. മറ്റുള്ളവര് പരിക്കുകളോടെ ആശുപത്രിയില് ചികിത്സയിലാണ്.