മത്സരിച്ച രണ്ടിനങ്ങളിലും എ ഗ്രേഡ്; സിദ്ധേന്ദ്ര നേരെ പോയത് അടുത്തുള്ള ബാര്‍ബര്‍ ഷോപ്പിലേക്ക് തലമൊട്ടയടിക്കാന്‍; കാരണം ചേച്ചിമാര്‍

കാഞ്ഞങ്ങാട്: (www.kvartha.com 01.12.2019) മത്സരിച്ച രണ്ടിനങ്ങളിലും എഗ്രേഡ് നേടിയ സിദ്ധേന്ദ്ര നേരെ പോയത് അടുത്തുള്ള ബാര്‍ബര്‍ ഷോപ്പിലേക്ക് തലമൊട്ടയടിക്കാന്‍. കുച്ചിപ്പുഡിയിലും തുള്ളലിലും എ ഗ്രേഡ് നേടിയ മലപ്പുറം തച്ചിങ്ങനാടം ഹയര്‍ സെക്കന്‍ഡറി സ്‌കൂളിലെ സിദ്ധേന്ദ്രയാണ് പങ്കെടുത്ത മത്സരങ്ങള്‍ കഴിഞ്ഞതോടെ ആദ്യം കണ്ട ബാര്‍ബര്‍ ഷോപ്പിലേക്ക് തല മൊട്ടയടിക്കാന്‍ കയറിയത്.

ചേച്ചിമാരായ സൃഷ്ടി ദേശാക്ഷിയോടും വരലാഹലുവിനോടും വെച്ച പന്തയമാണ് സിദ്ധേന്ദ്രയെ കൊണ്ട് ഈ കടുംകൈ ചെയ്യിച്ചത്. രണ്ടിനങ്ങളിലും എ ഗ്രേഡ് കിട്ടിയാല്‍ തല മൊട്ടയടിക്കും എന്നായിരുന്നു സിദ്ധേന്ദ്ര യുടെ പന്തയം.

അത്രേം ആത്മവിശ്വാസം വേണോ എന്ന ചേച്ചിമാരുടെ ചോദ്യം മറികടന്ന് സംഗതി നേടി. വാക്കും പാലിച്ചു. അതുകഴിഞ്ഞാണ് ചേച്ചിമാരുടെ അടുത്തേക്കു പോയത്. തലയില്‍ വാത്സല്യത്തോടെ തടവി ചേച്ചിമാര്‍ പറഞ്ഞു കണ്‍ഗ്രാജുലേഷന്‍സ് പ്രിയ മൊട്ടേ!

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: Siddhendra wins 2 competitions, Kanhangad, News, Education, Kerala school kalolsavam, Education, Kerala.