ബൈക്കില്‍ ടോറസ് ലോറിയിടിച്ച് യുവതി മരിച്ചു; ടയറില്‍ കുടുങ്ങിയ യുവതിയെ വലിച്ച് കൊണ്ട് ലോറി ഓടിയത് അരകിലോമീറ്ററോളം, ആളെ തിരിച്ചറിഞ്ഞിട്ടില്ല

കോട്ടയം: (www.kvartha.com 30/08/2017) ടോറസ് ലോറിയിടിച്ച് യുവതി മരിച്ചു. ബുധനാഴ്ച ഉച്ചയ്ക്ക് 2.15 ഓടെ ചങ്ങനാശേരി - വാഴൂര്‍ റോഡില്‍ കറുകച്ചാല്‍ പഞ്ചായത്ത് ഓഫീസിന് സമീപമാണ് അപകടം. യുവതി ബൈക്കില്‍ സഞ്ചരിക്കവെ ടോറസ് ലോറിയിടിക്കുകയായിരുന്നു. ആളെ തിരിച്ചറിഞ്ഞിട്ടില്ല. മൃതദേഹം ആശുപത്രിയിലേക്ക് മാറ്റി.

ലോറി സ്‌കൂട്ടറില്‍ തട്ടിയതോടെ റോഡില്‍ വീണ യുവതിയുടെ ശരീരത്തില്‍ കൂടി ലോറിയുടെ പിന്‍ചക്രം കയറിയിറങ്ങുകയായിരുന്നു. പിന്നിലെ ടയറില്‍ കുരുങ്ങിയ യുവതിയെ അര കിലോമീറ്ററോളം റോഡിലൂടെ വലിച്ചിഴച്ച ശേഷമാണ് ലോറി നിന്നത്. മാമൂട് ഭാഗത്തേയ്ക്ക് പോവുകയായിരുന്ന ലോറി സ്‌കൂട്ടറിനെ മറികടക്കുന്നതിനിടെയാണ് അപകടമുണ്ടായത്. യുവതി സംഭവ സ്ഥലത്ത് തന്നെ മരിച്ചു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kottayam, Accident, Woman, Death, Hospital, News, Kerala, Women dies in accident.