അഗ്നിപടര്‍ന്നയുടനെ അപായ സൈറണ്‍ മുഴങ്ങിയെങ്കിലും ആദ്യം ആരും കാര്യമായെടുത്തില്ലെന്നും ഇയാള്‍ പറഞ്ഞു. എന്നാല്‍ പിന്നീട് അപകടം തിരിച്ചറിഞ്ഞ താമസക്കാര്‍ കുടുംബാഗങ്ങളുമായി പുറത്തേയ്ക്ക് പായുകയായിരുന്നു. ചിലര്‍ പാസ്പോര്‍ട്ടും മറ്റും എടുത്ത് പുറത്തുകടന്നപ്പോള്‍ എല്ലാം നഷ്ടപ്പെട്ട നിരവധി താമസക്കാരും കൂട്ടത്തില്‍ ഉണ്ടായിരുന്നു. പലരും രാത്രിമുഴുവന്‍ ചിലവഴിച്ചത് സമീപത്തെ പാര്‍ക്കിലാണ്‌. ചിലര്‍ തൊട്ടടുത്ത ഫ്ലാറ്റുകളിലും സുഹൃത്തുക്കളുടെ കുടുംബങ്ങളിലും അഭയം തേടി. ഷാര്‍ജയിലെ തന്നെ 25 നില കെട്ടിടത്തിലുണ്ടായ അഗ്നിബാധയ്ക്ക് ശേഷം 65 ദിവസം പിന്നിട്ടപ്പോഴാണ്‌ അടുത്ത അഗ്നിബാധയുണ്ടായത്. അന്ന്‌ 125 കുടുംബങ്ങള്‍ക്കാണ്‌ എല്ലാം നഷ്ടപ്പെട്ടത്.
Keywords: Sharjah, Dubai, Fire, Malayalam news.