രജനിയെ നായകനാക്കി മകള്‍ സൗന്ദര്യ ഒരുക്കുന്ന 'കൊച്ചടിയാന്‍' എന്ന ചിത്രത്തില്‍ മലയാളത്തിലെ യുവതാരം പൃഥ്വിരാജും. കത്രീന കൈഫ് പ്രധാന നായികയാകുന്ന ചിത്രത്തില്‍ സ്‌നേഹ, ശോഭന എന്നിവരും അഭിനയിക്കുന്നുണ്ട്. രജനിയുടെ സഹോദരിയായി വേഷമിടുന്ന സ്‌നേഹയുടെ കാമുകനായാണ് പൃഥ്വി ഈ ചിത്രത്തില്‍ അഭിനയിക്കുന്നത്. ചിത്രത്തിന്റെ തിരക്കഥ രചിച്ച കെ എസ് രവികുമാറിന്റെ നിര്‍ദ്ദേശപ്രകാരമാണ് പൃഥ്വിരാജിന് ഈ വേഷം നല്‍കുന്നത്. നായകനായ രജനികാന്ത് കഴിഞ്ഞാല്‍ ഏറെ പ്രാധാന്യമുള്ള വേഷമാണ് പൃഥ്വിയ്ക്ക് ലഭിച്ചിരിക്കുന്നത്.
