Wonder | ഇവിടെ നിന്ന് ആരെങ്കിലും ആഹാരം കഴിക്കുമോ? എലികൾ നിറഞ്ഞ തെരുവ് ഭക്ഷണ ശാല; നെറ്റിസൻസിനെയാകെ ഞെട്ടിച്ച് വീഡിയോ

ന്യൂഡെൽഹി: (KVARTHA) ഇന്ത്യയിൽ തെരുവ് ഭക്ഷണം വളരെ ജനപ്രിയമാണ്. എളുപ്പത്തിൽ ലഭ്യമാകുന്ന ഈ ഭക്ഷണങ്ങൾ രുചിയിൽ മികച്ചതായതിനാൽ ആളുകൾക്ക് ഇഷ്ടമാണ്. ഓരോ നഗരത്തിനും ചെറിയ പ്രദേശങ്ങൾക്കും പോലും അവരുടേതായ തെരുവ് ഭക്ഷണങ്ങളുണ്ട്, അത് ഈ സ്ഥലങ്ങളുടെ രുചിയെ പ്രതിനിധീകരിക്കുന്നു. വട പാവ്, ദോശ തുടങ്ങിയവ ഉദാഹരണം.

    

അവ ശരിക്കും രുചികരമാണെങ്കിലും, ഇവിടങ്ങളിൽ ആളുകൾ അഭിമുഖീകരിക്കുന്ന ഏറ്റവും സാധാരണമായ പ്രശ്നങ്ങളിലൊന്നാണ് ശുചിത്വം. തെരുവ് ഭക്ഷണങ്ങൾ സാധാരണയായി വൃത്തിഹീനമായ സ്ഥലങ്ങളിൽ തയ്യാറാക്കപ്പെടുന്നു. ഇപ്പോൾ, അത്തരത്തിലുള്ള ഒരു വീഡിയോ സാമൂഹ്യ മാധ്യമങ്ങളിൽ വൈറലായിരിക്കുകയാണ്. വൃത്തിഹീനമായ സാഹചര്യത്തിൽ ഒരാൾ ലഘുഭക്ഷണം ഉണ്ടാക്കുന്നത് കാണാം.

Please, always check the kitchen of weddings, or local food distribution system, don’t let it become a common sight. This is alarming. pic.twitter.com/LI5JzfcHql

— Chirag Barjatya (@chiragbarjatyaa) January 1, 2024

ഒരു മനുഷ്യൻ പൂരി ഉണ്ടാക്കുന്നതാണ് വീഡിയോയിലുള്ളത്. എന്നാൽ ക്യാമറ മറുവശത്തേക്ക് നീങ്ങുമ്പോൾ വലിയ എലികൾ സുഖമായി വിഹരിക്കുന്നത് കാണാം. പൂരി മാവ് സൂക്ഷിച്ചിരുന്ന പാത്രത്തിന് മുകളിലൂടെ ഒരു എലി നീങ്ങുന്നത് പോലും ദൃശ്യത്തിലുണ്ട്. 'ദയവായി, എപ്പോഴും കല്യാണങ്ങളുടെ അടുക്കളയോ പ്രാദേശിക ഭക്ഷണ വിതരണ സംവിധാനമോ പരിശോധിക്കുക; ഇതൊരു സാധാരണ കാഴ്ചയായി മാറരുത്. ഇത് ഭയജനകമാണ്', വീഡിയോ പങ്കുവെച്ച് കൊണ്ട് ചിരാഗ് ബർജാതിയ എന്ന ഉപയോക്താവ് കുറിച്ചു.

Keywords: News, News-Malayalam-News, National, National-News, Watch: Rat-infested Street Food Stall Leaves Internet Shocked.

< !- START disable copy paste -->