ആധാര് കാര്ഡ് ഐഡന്റിറ്റിയുടെ ഔദ്യോഗിക തെളിവായി ഉപയോഗിക്കുന്നു, അതിനാല് ശരിയായ വിവരങ്ങള് ഉപയോഗിച്ച് അത് സമയബന്ധിതമായി അപ്ഡേറ്റ് ചെയ്യേണ്ടതുണ്ട്. വിവാഹശേഷം സ്ത്രീകള്ക്ക് ആധാറില് കുടുംബപ്പേര് മാറ്റണമെങ്കില് അതിനും എളുപ്പത്തില് സാധിക്കും. യുഐഡിഎഐയുടെ ഔദ്യോഗിക വെബ്സൈറ്റ് സന്ദര്ശിച്ചോ അടുത്തുള്ള ആധാര് എന്റോള്മെന്റ് സെന്റര് സന്ദര്ശിച്ചോ ഇത് ചെയ്യാം. വിവാഹശേഷം ആധാര് കാര്ഡില് നിങ്ങളുടെ കുടുംബപ്പേര് മാറ്റുന്നതിനുള്ള എളുപ്പവഴികള് ചുവടെ.
ഓണ്ലൈനായി കുടുംബപ്പേര് എങ്ങനെ മാറ്റാം?
* www(dot)uidai(dot)gov(dot)in വെബ്സൈറ്റ് സന്ദര്ശിക്കുക.
* നിങ്ങളുടെ ആധാര് നമ്പര് ഉപയോഗിച്ച് വെബ്സൈറ്റില് ലോഗിന് ചെയ്യുക.
* 'അപ്ഡേറ്റ് ആധാര്' ടാബിന് കീഴില് ശരിയായ ഫോര്മാറ്റില് പേര് മാറ്റുന്നതിനോ കുടുംബപ്പേര് മാറ്റുന്നതിനോ വേണ്ടി അഭ്യര്ത്ഥന നല്കുക. നിങ്ങളുടെ നിലവിലെ വിശദാംശങ്ങളും പുതിയ പേര് ചേര്ക്കാനുള്ള ഓപ്ഷനും നിങ്ങള്ക്ക് കാണാം.
* ആവശ്യമായ രേഖകള് സമര്പ്പിക്കുക. നിങ്ങള്ക്ക് ഡോക്യുമെന്റുകള് സ്വയം സാക്ഷ്യപ്പെടുത്താനും സ്കാന് ചെയ്യാനും ഓണ്ലൈനില് അപ്ലോഡ് ചെയ്യാനും കഴിയും.
* അടുത്തതായി, നിങ്ങളുടെ പേരിലുള്ള മാറ്റം അംഗീകരിക്കുന്നതിനും സ്ഥിരീകരിക്കുന്നതിനും രജിസ്റ്റര് ചെയ്ത മൊബൈല് ഫോണ് നമ്പറില് ലഭിച്ച ഒ ടി പി നല്കുക.
* പേര് മാറ്റം അംഗീകരിച്ചതിന് ശേഷം രജിസ്റ്റര് ചെയ്ത നമ്പറിലേക്ക് നിങ്ങള്ക്ക് സന്ദേശം ലഭിക്കും.
ഓഫ്ലൈനില് കുടുംബപ്പേര് മാറ്റാം
* അടുത്തുള്ള ആധാര് എന്റോള്മെന്റ് സെന്ററിലേക്ക് പോകുക.
* നിങ്ങളുടെ അനുബന്ധ രേഖകള് കേന്ദ്രത്തിലേക്ക് കൊണ്ടുപോകുക. അവ സ്കാന് ചെയ്യുകയും ഒറിജിനല് നിങ്ങള്ക്ക് തിരികെ നല്കുകയും ചെയ്യും.
* ഓഫ്ലൈനില് പേര് മാറ്റുന്ന പ്രക്രിയയ്ക്ക് നാമമാത്രമായ ഫീസ് നല്കണം.
ആവശ്യമായ രേഖകള്
വിവാഹശേഷം ആധാര് കാര്ഡിലെ പേര് മാറ്റുന്നതിന്, ഉപയോക്താക്കള് ഔദ്യോഗിക സര്ക്കാര് ഏജന്സി നല്കുന്ന വിവാഹ സര്ട്ടിഫിക്കറ്റ് പോലുള്ള രേഖ സമര്പ്പിക്കേണ്ടതുണ്ട്. സര്ട്ടിഫിക്കറ്റില് ഭാര്യയുടെയും ഭര്ത്താവിന്റെയും വിലാസം ഉണ്ടായിരിക്കണം.
Keywords: Aadhaar card, Surename, Lifestyle, Malayalam News, Marriage, Know how to change your name after marriage in Aadhaar card.
< !- START disable copy paste -->