കൊച്ചി പനങ്ങാട് മാത്രമാണ് നിലവില് കേരളത്തില് ഫിഷറീസ് കോളജ് പ്രവര്ത്തിക്കുന്നത്. സംസ്ഥാനത്തെ രണ്ടാമത്തെ സംരംഭമാണ് കേരള ഫിഷറീസ് കോളജെന്ന പേരില് പയ്യന്നൂരില് ഏപ്രില് മൂന്നിന് രാവിലെ 10.30 ന് മുഖ്യമന്ത്രി പിണറായി വിജയന് ഉദ്ഘാടനം ചെയ്യുന്നത്. എറണാകുളം ജില്ലയിലെ പനങ്ങാട് ഫിഷറീസ് കോളജ് സ്ഥാപിതമായിട്ട് 44 വര്ഷത്തിന് ശേഷമാണ് രണ്ടാമത്തെ ഫിഷറീസ് കോളജ് പയ്യന്നൂരില് പ്രവര്ത്തനമാരംഭിക്കുന്നത്.
ഫിഷറീസ് മേഖലയില് പ്രത്യേകിച്ച് മീന് കൃഷിരംഗത്ത് മലബാര് ഇന്ന് അഭിമുഖീകരിക്കുന്ന പിന്നോക്കാവസ്ഥയ്ക്ക് ഇതോടെ വലിയ ഒരളവില് പരിഹാരമാകുമെന്നു പ്രതീക്ഷിക്കുന്നതായി സംഘാടകര് പറഞ്ഞു. പയ്യന്നൂര് ടെമ്പിള് റോഡില് ഫിഷറീസ് കോളജിന് സമീപമുള്ള സുബ്രമഹ്മണ്യസ്വാമി ക്ഷേത്ര മൈതാനത്ത് പ്രത്യേകം തയ്യാറാക്കിയ വേദിയിലാണ് ഉദ്ഘാടന ചടങ്ങ് നടക്കുന്നത്. മന്ത്രി സജി ചെറിയാന് ചടങ്ങില് അധ്യക്ഷനാകും. കുഫോസ് വൈസ് ചാന്സലര് ഡോ. റോസലിന്റ് ജോര്ജ് റിപോര്ട് അവതരിപ്പിക്കും. രാജ്മോഹന് ഉണ്ണിത്താന് എംപി, എംഎല്എമാരായ കെവി സുമേഷ്, ഇടി ടൈസണ്, ജില്ലാ പഞ്ചായത് പ്രസിഡന്റ് പിപി ദിവ്യ, ജില്ലാ കലക്ടര് എസ് ചന്ദ്രശേഖര് തുടങ്ങിയവര് പങ്കെടുക്കും. ഇതുസംബന്ധിച്ച് വിളിച്ചുചേര്ത്ത വാര്ത്താസമ്മേളനത്തില് വൈസ് ചാന്സലര് ഡോ. റോസ് ലിന് ജോര്ജ്, ഡോ. ദിനേശ് കൈപ്പിള്ളി, രാജ്യ റാഫേല് എന്നിവര് പങ്കെടുത്തു.
Keywords: News, Kerala, Kannur, Top-Headlines, Press Meet, Farmers, Fishermen, Inauguration, Pinarayi-Vijayan, Fisheries College Payyannur, Chief Minister will inaugurate second fisheries college in the state at Payyannur.
< !- START disable copy paste -->