തൃശൂര്: (www.kvartha.com) കുന്നംകുളം പോര്ക്കുളത്ത് പള്ളിപ്പെരുന്നാള് കണ്ട് മടങ്ങവേ 23 കാരന് കുത്തേറ്റു. പോര്ക്കുളം കുടക്കാട്ടില് വീട്ടില് രാഹുലിനാണ് പരുക്കേറ്റത്. പരുക്ക് ഗുരുതരമല്ലെന്നാണ് വിവരം.
പള്ളിപ്പെരുന്നാള് കണ്ട് മടങ്ങുമ്പോഴായിരുന്നു രാഹുലിന് കുത്തേറ്റത്. പുലര്ചെ രണ്ടരയോടെയായിരുന്നു പരിസരവാസികളെ നടുക്കിയ സംഭവം.
ബൈകിലെത്തിയ സംഘം രാഹുലിനെ ആക്രമിക്കുകയായിരുന്നുവന്നാണ് വിവരം. പരുക്കേറ്റ രാഹുലിനെ തൃശൂര് മെഡികല് കോളേജ് ആശുപത്രിയില് പ്രവേശിപ്പിച്ചു. പോര്ക്കുളം സ്വദേശി നിബിന് ആണ് കുത്തിയതെന്നാണ് മൊഴി.