തിരുവനന്തപുരം: (www.kvartha.com 01.07.2021) തിരുവനന്തപുരത്ത് നായയെ ചൂണ്ടക്കൊളുത്തില്‍ കെട്ടിത്തൂക്കി അടിച്ച് കൊലപ്പെടുത്തിയതായി പരാതി. വിഴിഞ്ഞം അടിമലത്തുറയില്‍ ക്രിസ്തുരാജ് വളര്‍ത്തിയ ലാബ്രഡോര്‍ ഇനത്തില്‍ പെട്ട നായെയാണ് മനുഷ്യ മനസാക്ഷിയെ ഞെട്ടിക്കുന്ന ക്രൂരതയ്ക്കിരയാക്കിയത്. നാട്ടുകാരായ ചിലര്‍ ചേര്‍ന്നാണ് നായയെ അടിച്ച് കൊലപ്പെടുത്തിയതെന്നാണ് ആരോപണം.
എന്നും കടപ്പുറത്തു പോകുമായിരുന്ന ബ്രൂണോ പതിവുപോലെ പോയതാണെന്നും ഒരാളെ പോലും ഉപദ്രവിക്കാത്ത സാധുവാണെന്നും ഉടമ പറയുന്നു. നായയെ കാണാതായതോടെ അന്വേഷിച്ച് ചെന്ന ക്രിസ്തുരാജാണ് കൊല്ലപ്പെട്ട നിലയില്‍ നായയെ കണ്ടത്. സംഭവത്തിനെതിരെ ക്രിസ്തുരാജ് വിഴിഞ്ഞം പൊലീസ് സ്റ്റേഷനില്‍ പരാതി നല്‍കിയെങ്കിലും നടപടിയുണ്ടായില്ലയെന്നാണ് ആക്ഷേപം. സംഭവത്തിന്റെ വീഡിയോ സമൂഹമാധ്യമങ്ങളില്‍ പ്രചരിച്ചതോടെ വലിയ പ്രതിഷേധമാണ് ഉയരുന്നത്.
Keywords: Thiruvananthapuram, News, Kerala, Crime, Killed, Dog, Police Station, Complaint, Dog killed by unknown persons in Thiruvananthapuram