കോഴിക്കോട്: (www.kvartha.com 02.04.2022) മാസപ്പിറവി കണ്ടതിനാൽ കേരളത്തില് റമദാൻ ഒന്ന് ഏപ്രിൽ 3 ഞായറാഴ്ച ആയിരിക്കുമെന്ന് വിവിധ മഹല്ല് ഖാദിമാരായ സമസ്ത കേരള ജംഇയ്യത്തുല് ഉലമാ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്, പാണക്കാട് സയ്യിദ് സാദിഖലി ശിഹാബ് തങ്ങള്, സംയുക്ത മഹല്ല് ജമാഅത് ഖാദിമാരുടെ പ്രതിനിധികളായ എ പി മുഹമ്മദ് മുസ്ലിയാര്, താഴപ്ര മുഹ്യിദ്ദീന്കുട്ടി മുസ്ലിയാര്, സമസ്ത ജനറല് സെക്രടറി പ്രൊഫ. കെ.ആലിക്കുട്ടി മുസ്ലിയാര്, സയ്യിദ് മുഹമ്മദ് കോയ തങ്ങള് ജമലുല്ലൈലി, പാളയം ഇമാം സുഹൈബ് മൗലവി, തൊടിയൂര് മുഹമ്മദ് കുഞ്ഞി മൗലവി എന്നിവർ അറിയിച്ചു.
വിശ്വാസികൾ വ്രത ശുദ്ധിയുടെ പുണ്യം പകരുന്ന നാളുകളെ ആഹ്ലാദത്തോടെയാണ് വരവേറ്റത്. ഒരുമാസം നീണ്ടുനിൽക്കുന്ന പവിത്രമായ നാളുകളില് മനസും ശരീരവും ശുദ്ധീകരണം നടത്തി ഓരോ വിശ്വാസിയും വീണ്ടും ഒരു നന്മയുടെ ജീവിതത്തിലേക്ക് പ്രവേശിക്കും.
Keywords: News, Kerala, Ramadan, Top-Headlines, Kozhikode, State, Muslims, Religion, Fast, Ramadan fasting to begin from sunday.
< !- START disable copy paste -->