ഭാര്യയ്ക്കും മകനും നിയമനം; സി പി എം ജില്ലാ സെക്രടറിക്കെതിരെ വിമർശനം

ആലപ്പുഴ: (www.kvartha.com 01.10.2021) പാർടി നിയമനങ്ങൾ സി പി എം സമ്മേളനങ്ങളിൽ ചർചയാവുമ്പോൾ കയർഫെഡിൽനിന്നു വിരമിച്ച ഭാര്യക്കു പുനർനിയമനം നൽകിയതിനുപിന്നാലെ മകനും നിയമനം ലഭിച്ചത് ആലപ്പുഴ ജില്ലാ സെക്രടറി ആർ നാസറിനെതിരെ ആയുധമാവുന്നു. മകൻ ഗവ. സെർവന്റ്സ് എംപ്ലോയീസ് കോ-ഓപറേറ്റീവ് ബാങ്കിലാണു നിയമനം നേടിയത്.

   

ഏറ്റവും ദയനീയാവസ്ഥയിലുള്ള ജീവനക്കാരുടെ ആശ്രിതർക്കാണ് ഗവ  സെർവന്റ്സ് ബാങ്കിൽ നിയനം നൽകിയിരുന്നത്. കെ എസ് ടി എ, കെ ജി ഒ എ, എൻ ജി ഒ യൂനിയൻ എന്നിങ്ങനെയുള്ള സർക്കാർ ജീവനക്കാരുടെ സംഘടനകൾക്കു പ്രാമുഖ്യമുള്ളതാണ് ഗവ. സെർവന്റ്സ് ബാങ്ക്. ഇവിടേക്കുള്ള ഒഴിവിൽ അപേക്ഷ ക്ഷണിച്ചപ്പോൾ നാസറിന്റെ മകനും അപേക്ഷ നൽകിയിരുന്നു. പരീക്ഷയെഴുതി നിയമനം നേടുകയും ചെയ്തു.

എന്നാൽ മകനുൾപെടെ നാലുപേർക്കാണ് അവിടെ നിയമനം കിട്ടിയതെന്നും. ടെസ്റ്റ് പാസായാണു നിയമനമെന്നും. ഡിഗ്രി വിദ്യാഭ്യാസമുള്ള അവനുകിട്ടിയ ഒരു ചെറിയ ജോലി മാത്രമാണതെന്നും. അതിൽ ക്രമവിരുദ്ധമായി ഒന്നും നടന്നിട്ടില്ലെന്നും ആർ നാസർ പ്രതികരിച്ചു.

Keywords: News, Alappuzha, CPI(M) ,CPM, Allegation, Bank, Allegations against CPM Alappuzha district secretary R.Nazar.< !- START disable copy paste -->