സ്‌കൂളിലേക്ക് വരുമ്പോഴും പോകുമ്പോഴും വിദ്യാര്‍ത്ഥിനികളെ ഉപദ്രവിച്ച യുവാവ് പോക്‌സോ കേസില്‍ അറസ്റ്റില്‍; പരാതി നല്‍കിയത് മൂന്ന് പെണ്‍കുട്ടികള്‍

കാഞ്ഞങ്ങാട്: (www.kvartha.com 29.06.2018) വിവിധ സ്‌കൂളിലേക്ക് വരുന്ന വിദ്യാര്‍ത്ഥിനികളെ സ്‌കൂളിലേക്ക് വരുമ്പോഴും തിരിച്ച് വീട്ടിലേക്ക് പോകുമ്പോഴും ഉപദ്രവിച്ച യുവാവ് അറസ്റ്റില്‍. പോക്‌സോ നിയമം അനുസരിച്ചാണ് പോലീസ് കേസെടുത്ത് പ്രതിയെ അറസ്റ്റ് ചെയ്തത്. കാഞ്ഞങ്ങാട് സൗത്തിലെ അജിത്തിനെ (40)യാണ് ഹൊസ്ദുര്‍ഗ് എസ്.ഐ സന്തോഷിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.

മൂന്ന് പെണ്‍കുട്ടികളാണ് ഇത് സംബന്ധിച്ച് ഹൊസ്ദുര്‍ഗ്ഗ് പോലീസില്‍ പരാതി നല്‍കിയത്. പെണ്‍കുട്ടികള്‍ കടന്നു പോകുന്ന ഇടവഴികളില്‍ നിന്ന് ദേഹത്ത് കടന്നുപിടിച്ച് ഉപദ്രവിക്കുകയായിരുന്നുവെന്നാണ് വിദ്യാര്‍ത്ഥിനികള്‍ പരാതിയില്‍ പറഞ്ഞിരിക്കുന്നത്. ഇത്തരത്തില്‍ നഗരത്തിലെ വിവിധ സ്ഥലങ്ങളില്‍ വെച്ച് നിരവധി പെണ്‍കുട്ടികളെ ഉപദ്രവിച്ചിട്ടുണ്ടെന്ന് യുവാവ് പോലീസിനോട് ചോദ്യം ചെയ്യലില്‍ സമ്മതിച്ചു.

പോലീസ് നടത്തിയ അന്വേഷണത്തിലാണ് അജിത്ത് പിടിയിലായത്. പെണ്‍കുട്ടികള്‍ ഇയാളെ തിരിച്ചറിഞ്ഞതോടെയാണ് അറസ്റ്റ് ചെയ്തത്. വെള്ളിയാഴ്ച ഉച്ചയോടെ കോടതിയില്‍ ഹാജരാക്കി റിമാന്‍ഡ് ചെയ്യും.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: Man arrested for immoral activities, Kanhangad, News, Local-News, Crime, Criminal Case, Complaint, Arrested, Police, Girl students, Probe, Kerala.