തിരുവനന്തപുരം: വിമാനത്തിന്റെ കോക്പിറ്റില്‍ നിയമവിരുദ്ധമായി സഞ്ചരിച്ച നടി നിത്യാ മേനോനെതിരെ പോലീസ് കേസെടുക്കും. എന്നാല്‍ സസ്‌പെന്‍ഷനിലുള്ള പൈലറ്റുമാര്‍ക്കെതിരെ വകുപ്പുതല നടപടിക്കപ്പുറം പോലീസ് നടപടിക്കു സാധ്യതയില്ലെന്നാണു വിവരം.
എയര്‍ ഇന്ത്യാ വിമാനത്തിന്റെ കോക്പിറ്റില്‍ നിത്യാ മേനോനെ യാത്ര ചെയ്യാന്‍ സമ്മതിച്ച രണ്ടു പൈലറ്റുമാരെ വ്യാഴാഴ്ചയാണു സസ്‌പെന്‍ഡ് ചെയ്തത്. എന്നാല്‍ നടിക്കെതിരെ നടപടിക്ക് നീക്കമുള്ളതായി എയര്‍ ഇന്ത്യയോ വ്യോമയാന വകുപ്പോ വെളിപ്പെടുത്തിയിരുന്നില്ല. പക്ഷേ, നിത്യാ മേനോനെതിരെ കേസെടുത്ത് അന്വേഷിക്കണം എന്നാവശ്യപ്പെട്ട് വിമാനത്താവള പോലീസിന് എയര്‍ ഇന്ത്യാ അധികൃതര്‍ പരാതി നല്‍കുമെന്നാണു വ്യക്തമായിരിക്കുന്നത്.
മറ്റു യാത്രക്കാര്‍ക്കും വിമാന ജീവനക്കാര്‍ക്കും കൂടി അപകടമാകാവുന്ന വിധത്തില്‍ സുരക്ഷാ മാനദണ്ഡങ്ങള്‍ ലംഘിച്ചു യാത്ര ചെയ്തതിനെതിരേയായിരിക്കും കേസ്. ഇക്കാര്യത്തില്‍ പൈലറ്റുമാരുടെ അസോസിയേഷന്റെ ശക്തമായ ഇടപെടലും ഉണ്ടായിട്ടുണ്ട്. മാത്രമല്ല, നിത്യാ മേനോന്റെ വിവാദയാത്രയെക്കുറിച്ച് എയര്‍ ഇന്ത്യക്കു യാത്രക്കാരനായ ശാസ്ത്രജ്ഞന്‍ നല്‍കിയ പരാതിയിലും നിത്യാ മേനോനെതിരെ നടപടി വേണമെന്ന ആവശ്യമുണ്ടത്രേ. അത് പരിഗണിക്കാതെ പൈലറ്റുമാരെ മാത്രമായി കുടുക്കുന്നത് കൂടുതല്‍ കുഴപ്പമാകുമെന്നു കണ്ടാണ് നടിക്കെതിരേയും നടപടി നീക്കം.
അതേസമയം, കേസും വിവാദവും ഒഴിവാക്കാന്‍ നിത്യാ മേനോനുവേണ്ടി കേരളത്തിലെ ചില രാഷ്ട്രീയ നേതാക്കള്‍ മുഖേന കേന്ദ്രത്തില്‍ സമ്മര്‍ദം തുടങ്ങിയിട്ടുണ്ട്. വ്യോമയാന സഹമന്ത്രി കെ.സി. വേണുഗോപാല്‍ മുഖേന കേസില്‍ നിന്ന് ഒഴിവാകാനാണു ശ്രമം. മന്ത്രി ഇതിനോട് അനുകൂലമായി പ്രതികരിച്ചതായി സൂചനയില്ല.
കഴിഞ്ഞമാസമാണ് വിവാദയാത്രയുണ്ടായത്. ബംഗളൂരു- ഹൈദരാബാദ് വിമാനത്തിന്റെ കോക്പിറ്റില്‍ നിരീക്ഷകര്‍ക്കുള്ള സീറ്റിലാണ് നിത്യാ മേനോന്‍ യാത്ര ചെയ്തത്. പൈലറ്റുമാരായ ജഗന്‍ എം.റെഡ്ഢി, എസ്. കിരണ്‍ എന്നിവര്‍ക്കെതിരെ, സുരക്ഷാമാനദണ്ഡങ്ങള്‍ ലംഘിച്ചതിനാണു നടപടി എടുത്തത്. വ്യോമയാന ഡയറക്ടറേറ്റ് ജനറലിന്റെ അനുമതിയുള്ള പരിശോധകനോ നിരീക്ഷകനോ മാത്രം സഞ്ചരിക്കാന്‍ അനുമതിയുള്ള സീറ്റിലാണ് നടിയെ സഞ്ചരിക്കാന്‍ അനുവദിച്ചത്.
കൂടുതല്‍ അന്വേഷണം നടത്തുമെന്ന് വ്യോമയാന ഡയറക്ടര്‍ ജനറല്‍ അരുണ്‍മിശ്ര വ്യാഴാഴ്ച പറഞ്ഞിരുന്നു. അതില്‍ നടിക്കെതിരായ കേസുമുണ്ടാകും. മൂന്നൂ മാസം മുമ്പ് രണ്ട് എയര്‍ഹോസ്റ്റസുമാര്‍ എയര്‍ ഇന്ത്യാ വിമാനത്തിന്റെ കോക്ക്പിറ്റില്‍ കയറി പൈലറ്റുമാരോടൊപ്പം മുക്കാല്‍ മണിക്കൂറോളം ചെലവഴിച്ചതു വിവാദമായിരുന്നു. നൂറുകണക്കിനു യാത്രക്കാരുടെ ജീവന്റെ ഉത്തരവാദിത്വം ഏറ്റെടുത്തു വിമാനം പറപ്പിക്കുന്നവര്‍ ഇത്തരം നിരുത്തവാദപരമായ കാര്യങ്ങള്‍ ചെയ്യുന്നതും അതിനു യാത്രക്കോരോ മറ്റു ജീവനക്കാരോ കൂട്ടുനില്‍ക്കുന്നതും മേലില്‍ ഉണ്ടാകാതിരിക്കാന്‍ ശക്തമായ നടപടി എടുക്കാനാണ് എയര്‍ ഇന്ത്യയുടെയും കേന്ദ്ര സര്‍ക്കാരിന്റെയും തീരുമാനം.
യു.എസിലെ വേള്‍ഡ് ട്രേഡ് സെന്ററിനു നേരേയുണ്ടായ ആക്രമണത്തിനുശേഷമാണു യാത്രക്കാര്‍ കോക്പിറ്റില്‍ കയറുന്നത് ലോകത്തെ എല്ലാ എയര്‍ലൈനുകളും നിരോധിച്ചതും രാജ്യങ്ങള്‍ അത് കര്‍ക്കശമായി നേരിട്ടു തുടങ്ങിയതും.
Keywords: Nithya Menon, Thiruvananthapuram, Police, Case, Actress, Helicopter, Kerala, film, Minister K.C. Venugopal, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.
എയര്‍ ഇന്ത്യാ വിമാനത്തിന്റെ കോക്പിറ്റില്‍ നിത്യാ മേനോനെ യാത്ര ചെയ്യാന്‍ സമ്മതിച്ച രണ്ടു പൈലറ്റുമാരെ വ്യാഴാഴ്ചയാണു സസ്‌പെന്‍ഡ് ചെയ്തത്. എന്നാല്‍ നടിക്കെതിരെ നടപടിക്ക് നീക്കമുള്ളതായി എയര്‍ ഇന്ത്യയോ വ്യോമയാന വകുപ്പോ വെളിപ്പെടുത്തിയിരുന്നില്ല. പക്ഷേ, നിത്യാ മേനോനെതിരെ കേസെടുത്ത് അന്വേഷിക്കണം എന്നാവശ്യപ്പെട്ട് വിമാനത്താവള പോലീസിന് എയര്‍ ഇന്ത്യാ അധികൃതര്‍ പരാതി നല്‍കുമെന്നാണു വ്യക്തമായിരിക്കുന്നത്.
മറ്റു യാത്രക്കാര്‍ക്കും വിമാന ജീവനക്കാര്‍ക്കും കൂടി അപകടമാകാവുന്ന വിധത്തില്‍ സുരക്ഷാ മാനദണ്ഡങ്ങള്‍ ലംഘിച്ചു യാത്ര ചെയ്തതിനെതിരേയായിരിക്കും കേസ്. ഇക്കാര്യത്തില്‍ പൈലറ്റുമാരുടെ അസോസിയേഷന്റെ ശക്തമായ ഇടപെടലും ഉണ്ടായിട്ടുണ്ട്. മാത്രമല്ല, നിത്യാ മേനോന്റെ വിവാദയാത്രയെക്കുറിച്ച് എയര്‍ ഇന്ത്യക്കു യാത്രക്കാരനായ ശാസ്ത്രജ്ഞന്‍ നല്‍കിയ പരാതിയിലും നിത്യാ മേനോനെതിരെ നടപടി വേണമെന്ന ആവശ്യമുണ്ടത്രേ. അത് പരിഗണിക്കാതെ പൈലറ്റുമാരെ മാത്രമായി കുടുക്കുന്നത് കൂടുതല്‍ കുഴപ്പമാകുമെന്നു കണ്ടാണ് നടിക്കെതിരേയും നടപടി നീക്കം.
അതേസമയം, കേസും വിവാദവും ഒഴിവാക്കാന്‍ നിത്യാ മേനോനുവേണ്ടി കേരളത്തിലെ ചില രാഷ്ട്രീയ നേതാക്കള്‍ മുഖേന കേന്ദ്രത്തില്‍ സമ്മര്‍ദം തുടങ്ങിയിട്ടുണ്ട്. വ്യോമയാന സഹമന്ത്രി കെ.സി. വേണുഗോപാല്‍ മുഖേന കേസില്‍ നിന്ന് ഒഴിവാകാനാണു ശ്രമം. മന്ത്രി ഇതിനോട് അനുകൂലമായി പ്രതികരിച്ചതായി സൂചനയില്ല.
കഴിഞ്ഞമാസമാണ് വിവാദയാത്രയുണ്ടായത്. ബംഗളൂരു- ഹൈദരാബാദ് വിമാനത്തിന്റെ കോക്പിറ്റില്‍ നിരീക്ഷകര്‍ക്കുള്ള സീറ്റിലാണ് നിത്യാ മേനോന്‍ യാത്ര ചെയ്തത്. പൈലറ്റുമാരായ ജഗന്‍ എം.റെഡ്ഢി, എസ്. കിരണ്‍ എന്നിവര്‍ക്കെതിരെ, സുരക്ഷാമാനദണ്ഡങ്ങള്‍ ലംഘിച്ചതിനാണു നടപടി എടുത്തത്. വ്യോമയാന ഡയറക്ടറേറ്റ് ജനറലിന്റെ അനുമതിയുള്ള പരിശോധകനോ നിരീക്ഷകനോ മാത്രം സഞ്ചരിക്കാന്‍ അനുമതിയുള്ള സീറ്റിലാണ് നടിയെ സഞ്ചരിക്കാന്‍ അനുവദിച്ചത്.
കൂടുതല്‍ അന്വേഷണം നടത്തുമെന്ന് വ്യോമയാന ഡയറക്ടര്‍ ജനറല്‍ അരുണ്‍മിശ്ര വ്യാഴാഴ്ച പറഞ്ഞിരുന്നു. അതില്‍ നടിക്കെതിരായ കേസുമുണ്ടാകും. മൂന്നൂ മാസം മുമ്പ് രണ്ട് എയര്‍ഹോസ്റ്റസുമാര്‍ എയര്‍ ഇന്ത്യാ വിമാനത്തിന്റെ കോക്ക്പിറ്റില്‍ കയറി പൈലറ്റുമാരോടൊപ്പം മുക്കാല്‍ മണിക്കൂറോളം ചെലവഴിച്ചതു വിവാദമായിരുന്നു. നൂറുകണക്കിനു യാത്രക്കാരുടെ ജീവന്റെ ഉത്തരവാദിത്വം ഏറ്റെടുത്തു വിമാനം പറപ്പിക്കുന്നവര്‍ ഇത്തരം നിരുത്തവാദപരമായ കാര്യങ്ങള്‍ ചെയ്യുന്നതും അതിനു യാത്രക്കോരോ മറ്റു ജീവനക്കാരോ കൂട്ടുനില്‍ക്കുന്നതും മേലില്‍ ഉണ്ടാകാതിരിക്കാന്‍ ശക്തമായ നടപടി എടുക്കാനാണ് എയര്‍ ഇന്ത്യയുടെയും കേന്ദ്ര സര്‍ക്കാരിന്റെയും തീരുമാനം.
യു.എസിലെ വേള്‍ഡ് ട്രേഡ് സെന്ററിനു നേരേയുണ്ടായ ആക്രമണത്തിനുശേഷമാണു യാത്രക്കാര്‍ കോക്പിറ്റില്‍ കയറുന്നത് ലോകത്തെ എല്ലാ എയര്‍ലൈനുകളും നിരോധിച്ചതും രാജ്യങ്ങള്‍ അത് കര്‍ക്കശമായി നേരിട്ടു തുടങ്ങിയതും.
Keywords: Nithya Menon, Thiruvananthapuram, Police, Case, Actress, Helicopter, Kerala, film, Minister K.C. Venugopal, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.