കഴിഞ്ഞ അഞ്ചു വര്‍ഷക്കാലത്തെ അനുഭവം വെച്ച് നോക്കുമ്പോള്‍ ഇത്തവണയും ജി കെ എസ് എഫ് വന്‍ വിജയമാകും എന്ന് തന്നെയാണ് പ്രതീക്ഷയെന്ന് മന്ത്രി ശ്രീ എ.പി. അനില്‍കുമാര്‍ പറഞ്ഞു. ഫെസ്റ്റിവലിനെ കൂടുതല്‍ സ്ഥലങ്ങളിലേക്ക് വ്യാപിപ്പിക്കാനും ഇതിലെ ജനകീയ പങ്കാളിത്തം വര്‍ധിപ്പിക്കാനുമുളള ശ്രമമാണ് സര്‍ക്കാര്‍ നടത്തുന്നതെന്നു മന്ത്രി പറഞ്ഞു.
ഉദ്ഘാടന വേദിയില്‍ മന്ത്രിക്കു സ്വീകരണം നല്‍കിയത് ലോഗോയുടെ മാതൃകയില്‍ ആവിഷ്‌കരിച്ച റോഡ്‌ഷോ ഭാഗ്യചിഹ്നമായ ആനയാണ്. റോഡ്‌ഷോ കടന്നു പോകുന്ന 135 ഓളം കേന്ദ്രങ്ങളില്‍ ജനങ്ങളെ ആകര്‍ഷിക്കാന്‍ ക്വിസ് മത്സരമടക്കമുള്ള വിവിധയിനം വിനോദ പരിപാടികള്‍ സംഘടിപ്പിക്കും.
കളരിപ്പയറ്റ് , ഇന്ദ്രജാലം, നര്‍മ്മപരിപാടി, നൃത്താഭ്യാസം എന്നിവ ചെണ്ടമേളത്തിന്റെ അകമ്പടിയില്‍ ഉദ്ഘാടനച്ചടങ്ങില്‍ അരങ്ങേറിയത് നിരവധി പേരെ ആകര്‍ഷിച്ചു. പങ്കെടുക്കുന്നവര്‍ക്ക് ഉടന്‍ സമ്മാനങ്ങള്‍ നല്‍കുന്ന പ്രശ്‌നോത്തരിയും സംഘടിപ്പിച്ചു.
തലസ്ഥാന ജില്ലയില്‍ വിവിധ കേന്ദ്രങ്ങളില്‍ നാലു ദിവസം പര്യടനം നടത്തിയശേഷം റോഡ്‌ഷോ കൊല്ലത്തേക്കു പോകും. മറ്റുജില്ലകളും പിന്നിട്ട് ജി കെ എസ് എഫ് അവസാനിക്കുന്ന ജനുവരി 31 ന് കാസര്‍ഗോഡ് റോഡ്‌ഷോ സമാപിക്കും. എട്ടു സംസ്ഥാനങ്ങള്‍ സന്ദര്‍ശിച്ച് ദേശീയ പ്രചാരണം നടത്തിയ റോഡ്‌ഷോ കണ്ണൂരില്‍ 15ന് ജി കെ എസ് എഫ് ഉദ്ഘാടന വേദിയിലാണ് സമാപിച്ചത്.
Keywords: Kerala, Minister, Director, Inauguration, Thiruvananthapuram, Elephant, kasaragod, Kannur, GKSF, Anil Kumar, Road Show