സ്വന്തം ലേഖകന്
തിരുവനന്തപുരം: അമിത പലിശയ്ക്ക് പണം കടം കൊടുക്കുന്നത് നിരോധിക്കുന്ന 2012-ലെ കേരള അമിത പലിശ ഈടാക്കല് നിരോധന ബില് നിയമസഭ പാസാക്കി. അമിത പലിശ ഈടാക്കുന്നതിന് വ്യവസ്ഥ ചെയ്ത ശിക്ഷ കൂടുതല് കര്ശനമാക്കിയാണ് ബില് പാസാക്കിയത്. മൂന്നു തരത്തിലുള്ള ശിക്ഷ ബില് വ്യവസ്ഥ ചെയ്യുന്നു.
അമിത പലിശയ്ക്ക് നല്കുന്ന വായ്പ തിരിച്ചുപിടിക്കാന് കടം വാങ്ങിയ ആളെ പീഢിപ്പിക്കുകയോ, പീഢിപ്പിക്കാന് പ്രേരിപ്പിക്കുകയോ ചെയ്യുന്ന കുറ്റത്തിന് മുന്നുവര്ഷം വരെ തടവും 50,000 രൂപവരെ പിഴയും ബില്ലില് വ്യവസ്ഥ ചെയ്യുന്നു. കൂടാതെ വായ്പ ഈടാക്കുന്നതിലേക്കായി വായ്പ എടുത്ത ആളെ മാനസികമായോ ശാരീരികമായോ പീഢിപ്പിക്കുകയോ പീഢിപ്പിക്കുന്നതിന് പ്രേരിപ്പിക്കുകയോ ചെയ്തതായി തെളിഞ്ഞാല് പണം കടം നല്കിയ ആള്ക്ക് മുന്നു വര്ഷംവരെ തടവും അമ്പതിനായിരം രൂപ പിഴയും ശിക്ഷ ലഭിക്കും. കടം നല്കിയ ആളോ, അല്ലെങ്കില് ഏര്പ്പെടുത്തിയ ആളോ കടം വാങ്ങിയ ആളെ ശാരീരികമായോ മാനസികമായോ പീഢിപ്പിക്കുന്നതിലൂടെ അയാള് ആത്മഹത്യയിലേക്ക് നയിക്കപ്പെട്ടാല്, കുറ്റസ്ഥാപനത്തിന്മേല് കടം നല്കിയ ആള്ക്ക് അഞ്ചുവര്ഷം വരെ തടവും അമ്പതിനായിരം രൂപ പിഴയും ശിക്ഷിക്കപ്പെടും.
വായ്പയെടുത്ത തുക നിയമപ്രകാരമുള്ള പലിശ സഹിതം പൂര്ണമായോ ഭാഗികമായോ കോടതിവഴി തിരിച്ചടയ്ക്കാനുള്ള അവസരം നിയമപ്രകാരം ലഭ്യമാണ്. ഇതിനായി വായ്പയും പലിശയും ഉള്പ്പെടെയുള്ള തുക അടച്ചു തീര്ക്കുന്നതിലേക്കാണെന്ന് രേഖപ്പെടുത്തുന്നതിനുള്ള ഹര്ജിയോടൊപ്പം അധികാരമുള്ള കോടതിയില് കെട്ടിവയ്ക്കാനാകും. ആവശ്യമായ അന്വേഷണം നടത്തി, കക്ഷികളുടെ ആവശ്യവും പരിഗണിച്ചതിനുശേഷം വായ്പ ഭാഗികമായോ പൂര്ണമായോ കൊടുത്തുതീര്ത്തതായി കോടതിക്ക് ഉത്തരവിടാമെന്നും ബില്ലില് പറയുന്നു. വായ്പയുടെയും പലിശയുടെയും തിരിച്ചടവിനായി ഏതെങ്കിലും ആള് കൈവശപ്പെടുത്തിയ സ്ഥാവര ജംഗമ വസ്തുക്കളുടെ കൈവശാവകാശം പുനഃസ്ഥാപിച്ചു നല്കാന് കോടതിക്ക് ഉത്തരവ് പുറപ്പെടുവിക്കാനാകും.
അമിത പലിശ ഈടാക്കുന്നയാള്ക്ക് നിയമം പ്രബാല്യത്തില്വന്ന് ഒരു മാസത്തിനകം നിയമ പ്രകാരമുള്ള പലിശ ഈടാക്കാനുള്ള ഉദ്ദേശ്യം വെളിപ്പെടുത്തികൊണ്ടുള്ള ഹര്ജി കോടതിയില് ഫയല് ചെയ്യാന് കഴിയും. അത്തരം വായ്പയില് നിയമ പ്രകാരമുള്ള പ്രോസിക്യൂഷന് നടപടി പാടില്ലെന്നും ബില് നിര്ദേശിക്കുന്നു. വായ്പ വാങ്ങിയ ആള് കൂടിയ നിരക്കില് പലിശ നല്കിയിട്ടുണ്ടെങ്കില്, അത് വായ്പയിലേക്ക് വക വയ്ക്കുന്നതിനും കോടതിക്ക് അധികാരം നല്കുന്നു.
വായ്പ വാങ്ങിയ ആളോ അയാളുടെ കുടുംബാംഗമോ ആത്മഹത്യ ചെയ്യുകയും, അതിനു മുമ്പായി അവര് ഏതെങ്കിലും ആളുടെ പീഢനത്തിന് വിധേയമായതായി തെളിയിക്കപ്പെട്ടാല്, മറിച്ച് തെളിയിക്കപ്പെടാത്ത പക്ഷം, ആത്മഹത്യയ്ക്ക് പ്രേരിപ്പിച്ചത് വായ്പ നല്കിയ ആളാണെന്ന് കരുതപ്പെടും. നിയമ പ്രകാരം ഒരു ഹര്ജി നല്കാനുള്ള കോടതി ഫീസ് നൂറു രൂപയായിരിക്കുമെന്നും ബില്ലില് വ്യവസ്ഥ ചെയ്തിട്ടുണ്ട്.
മന്ത്രി മാണി ബില് അവതരിപ്പിച്ചു. മുല്ലക്കര രത്നാകരന്, പ്രൊഫ. സി. രവീന്ദ്രനാഥ്, വി. ചെന്താമരാക്ഷന് എന്നിവര് ബില്ലിന്മേല് വിയോജനം രേഖപ്പെടുത്തി സംസാരിച്ചു. പ്രതിപക്ഷ ഉപനേതാവ് കോടിയേരി ബാലകൃഷ്ണന്, എന്. ഷംസുദീന് എന്നിവര് ഭേദഗതി അവതരിപ്പിച്ചു.
Keywords: Taxi Fares, Thiruvananthapuram, Kerala, Court, K.M.Mani, Kodiyeri Balakrishnan, V. Chenthamarakshan, Bill,
തിരുവനന്തപുരം: അമിത പലിശയ്ക്ക് പണം കടം കൊടുക്കുന്നത് നിരോധിക്കുന്ന 2012-ലെ കേരള അമിത പലിശ ഈടാക്കല് നിരോധന ബില് നിയമസഭ പാസാക്കി. അമിത പലിശ ഈടാക്കുന്നതിന് വ്യവസ്ഥ ചെയ്ത ശിക്ഷ കൂടുതല് കര്ശനമാക്കിയാണ് ബില് പാസാക്കിയത്. മൂന്നു തരത്തിലുള്ള ശിക്ഷ ബില് വ്യവസ്ഥ ചെയ്യുന്നു.
അമിത പലിശയ്ക്ക് നല്കുന്ന വായ്പ തിരിച്ചുപിടിക്കാന് കടം വാങ്ങിയ ആളെ പീഢിപ്പിക്കുകയോ, പീഢിപ്പിക്കാന് പ്രേരിപ്പിക്കുകയോ ചെയ്യുന്ന കുറ്റത്തിന് മുന്നുവര്ഷം വരെ തടവും 50,000 രൂപവരെ പിഴയും ബില്ലില് വ്യവസ്ഥ ചെയ്യുന്നു. കൂടാതെ വായ്പ ഈടാക്കുന്നതിലേക്കായി വായ്പ എടുത്ത ആളെ മാനസികമായോ ശാരീരികമായോ പീഢിപ്പിക്കുകയോ പീഢിപ്പിക്കുന്നതിന് പ്രേരിപ്പിക്കുകയോ ചെയ്തതായി തെളിഞ്ഞാല് പണം കടം നല്കിയ ആള്ക്ക് മുന്നു വര്ഷംവരെ തടവും അമ്പതിനായിരം രൂപ പിഴയും ശിക്ഷ ലഭിക്കും. കടം നല്കിയ ആളോ, അല്ലെങ്കില് ഏര്പ്പെടുത്തിയ ആളോ കടം വാങ്ങിയ ആളെ ശാരീരികമായോ മാനസികമായോ പീഢിപ്പിക്കുന്നതിലൂടെ അയാള് ആത്മഹത്യയിലേക്ക് നയിക്കപ്പെട്ടാല്, കുറ്റസ്ഥാപനത്തിന്മേല് കടം നല്കിയ ആള്ക്ക് അഞ്ചുവര്ഷം വരെ തടവും അമ്പതിനായിരം രൂപ പിഴയും ശിക്ഷിക്കപ്പെടും.
വായ്പയെടുത്ത തുക നിയമപ്രകാരമുള്ള പലിശ സഹിതം പൂര്ണമായോ ഭാഗികമായോ കോടതിവഴി തിരിച്ചടയ്ക്കാനുള്ള അവസരം നിയമപ്രകാരം ലഭ്യമാണ്. ഇതിനായി വായ്പയും പലിശയും ഉള്പ്പെടെയുള്ള തുക അടച്ചു തീര്ക്കുന്നതിലേക്കാണെന്ന് രേഖപ്പെടുത്തുന്നതിനുള്ള ഹര്ജിയോടൊപ്പം അധികാരമുള്ള കോടതിയില് കെട്ടിവയ്ക്കാനാകും. ആവശ്യമായ അന്വേഷണം നടത്തി, കക്ഷികളുടെ ആവശ്യവും പരിഗണിച്ചതിനുശേഷം വായ്പ ഭാഗികമായോ പൂര്ണമായോ കൊടുത്തുതീര്ത്തതായി കോടതിക്ക് ഉത്തരവിടാമെന്നും ബില്ലില് പറയുന്നു. വായ്പയുടെയും പലിശയുടെയും തിരിച്ചടവിനായി ഏതെങ്കിലും ആള് കൈവശപ്പെടുത്തിയ സ്ഥാവര ജംഗമ വസ്തുക്കളുടെ കൈവശാവകാശം പുനഃസ്ഥാപിച്ചു നല്കാന് കോടതിക്ക് ഉത്തരവ് പുറപ്പെടുവിക്കാനാകും.
അമിത പലിശ ഈടാക്കുന്നയാള്ക്ക് നിയമം പ്രബാല്യത്തില്വന്ന് ഒരു മാസത്തിനകം നിയമ പ്രകാരമുള്ള പലിശ ഈടാക്കാനുള്ള ഉദ്ദേശ്യം വെളിപ്പെടുത്തികൊണ്ടുള്ള ഹര്ജി കോടതിയില് ഫയല് ചെയ്യാന് കഴിയും. അത്തരം വായ്പയില് നിയമ പ്രകാരമുള്ള പ്രോസിക്യൂഷന് നടപടി പാടില്ലെന്നും ബില് നിര്ദേശിക്കുന്നു. വായ്പ വാങ്ങിയ ആള് കൂടിയ നിരക്കില് പലിശ നല്കിയിട്ടുണ്ടെങ്കില്, അത് വായ്പയിലേക്ക് വക വയ്ക്കുന്നതിനും കോടതിക്ക് അധികാരം നല്കുന്നു.
വായ്പ വാങ്ങിയ ആളോ അയാളുടെ കുടുംബാംഗമോ ആത്മഹത്യ ചെയ്യുകയും, അതിനു മുമ്പായി അവര് ഏതെങ്കിലും ആളുടെ പീഢനത്തിന് വിധേയമായതായി തെളിയിക്കപ്പെട്ടാല്, മറിച്ച് തെളിയിക്കപ്പെടാത്ത പക്ഷം, ആത്മഹത്യയ്ക്ക് പ്രേരിപ്പിച്ചത് വായ്പ നല്കിയ ആളാണെന്ന് കരുതപ്പെടും. നിയമ പ്രകാരം ഒരു ഹര്ജി നല്കാനുള്ള കോടതി ഫീസ് നൂറു രൂപയായിരിക്കുമെന്നും ബില്ലില് വ്യവസ്ഥ ചെയ്തിട്ടുണ്ട്.
മന്ത്രി മാണി ബില് അവതരിപ്പിച്ചു. മുല്ലക്കര രത്നാകരന്, പ്രൊഫ. സി. രവീന്ദ്രനാഥ്, വി. ചെന്താമരാക്ഷന് എന്നിവര് ബില്ലിന്മേല് വിയോജനം രേഖപ്പെടുത്തി സംസാരിച്ചു. പ്രതിപക്ഷ ഉപനേതാവ് കോടിയേരി ബാലകൃഷ്ണന്, എന്. ഷംസുദീന് എന്നിവര് ഭേദഗതി അവതരിപ്പിച്ചു.
Keywords: Taxi Fares, Thiruvananthapuram, Kerala, Court, K.M.Mani, Kodiyeri Balakrishnan, V. Chenthamarakshan, Bill,