ചെന്നൈ: (KVARTHA) വിഷുവിന് നാട്ടിലെത്താൻ ടിക്കറ്റിനായി നെട്ടോട്ടമോടുന്ന മലയാളികളെ കെഎസ്ആർടിസി പിഴിയുന്നു. ഏറ്റവും കൂടുതൽ പേർ നാട്ടിലേക്കു പോകുന്ന 2026 ഏപ്രിൽ 10 വെള്ളിയാഴ്ച എറണാകുളം ബസിൽ 5000 രൂപയാണു ചാർജ്. തുടർന്നുള്ള ദിവസങ്ങളിലും 2000 രൂപയ്ക്കു മുകളിലാണു ചാർജ്. പുതുതായി നിരത്തിലിറക്കിയ എസി സ്ലീപ്പർ ബസിലാണ് ഡൈനമിക് പ്രൈസിങ് എന്ന പേരിൽ ഈ കൊള്ളനിരക്ക് ഈടാക്കുന്നത്.

കെഎസ്ആർടിസിയുടെ 'വിഷുക്കെണി'

രാത്രി 8.30-ന് കിലാമ്പാക്കത്ത് നിന്നു പുറപ്പെടുന്ന ബസിൽ 1640 രൂപയാണ് സാധാരണ ദിവസങ്ങളിലെ നിരക്ക്. എന്നാൽ ഏപ്രിൽ 10 വെള്ളിയാഴ്‌ചത്തെ ചാർജ് 2456 രൂപയാണ്. ഏപ്രിൽ 11 ശനിയാഴ്ച, ഏപ്രിൽ 13 തിങ്കളാഴ്ച എന്നീ ദിവസങ്ങളിൽ 2179 രൂപയാണ് നിരക്ക്. യാത്രക്കാർ കുറവുള്ള ഏപ്രിൽ 12 ഞായറാഴ്ച, ഏപ്രിൽ 14 ചൊവ്വാഴ്ച ദിവസങ്ങളിൽ 1640 രൂപ മാത്രമാണ് ഈടാക്കുന്നത്. ട്രെയിനിൽ ടിക്കറ്റ് ലഭ്യമല്ലാത്തതിനാലും വിമാന ടിക്കറ്റ് നിരക്ക് വർദ്ധിച്ചതിനാലും കൂടിയ ചാർജ് നൽകി യാത്ര ചെയ്യേണ്ട അവസ്ഥയാണ്. രാത്രി 8.30-ന് കിലാമ്പാക്കത്ത് നിന്നു പുറപ്പെടുന്ന ബസ് ഗുഡുവാഞ്ചേരി, സിംഗപെരുമാൾ കോവിൽ, തിണ്ടിവനം, വില്ലുപുരം, സേലം, കോയമ്പത്തൂർ, പാലക്കാട്, തൃശൂർ, ചാലക്കുടി, അങ്കമാലി, വൈറ്റില ഹബ് വഴിയാണ് സർവീസ് നടത്തുന്നത്. രാവിലെ 8.30-ന് സൗത്തിലെ കെഎസ്ആർടിസി ബസ് സ്റ്റാൻഡിലെത്തും.

മറ്റ് സർവീസുകൾ

ഏപ്രിൽ 10 വെള്ളിയാഴ്ച വൈകിട്ട് 6.30-ന് നോൺ എസി സൂപ്പർ ഡീലക്സ് എയർ ബസും സർവീസ് നടത്തുന്നുണ്ടെങ്കിലും പുറപ്പെടുന്ന സമയം കണക്കിലെടുക്കുമ്പോൾ 8.30-നുള്ള സ്ലീപ്പർ ബസാണു മിക്കവർക്കും അനുയോജ്യം. 6.30-ന് കിലാമ്പാക്കത്ത് നിന്നു പുറപ്പെട്ട് പിറ്റേന്ന് രാവിലെ 7.25-ന് എറണാകുളത്തെത്തും. 1261 രൂപയാണു ഇതിലെ ചാർജ്.

കുതിച്ചുയർന്ന് വിമാന നിരക്ക്

വിഷുവിന് നാട്ടിലെത്താൻ വിമാന സർവീസുകൾ തിരക്കിയവരുടെ കണ്ണ് തള്ളിച്ചാണു ടിക്കറ്റ് ചാർജ്. തിരുവനന്തപുരത്തേക്ക് ഏപ്രിൽ 10, 11 തീയതികളിൽ 7433 രൂപ, 12, 13 തീയതികളിൽ 6724 രൂപ, 14-ന് 7091 രൂപ എന്നിങ്ങനെയാണു ചാർജ്. കൊച്ചിയിലേക്ക് 10-ന് 6913 രൂപ, 11-ന് 6782 രൂപ, 12-ന് 6329 രൂപ എന്നിങ്ങനെയാണ് നിരക്ക്. 13-നും 14-നും 5130 രൂപയാണെന്നതു നേരിയ ആശ്വാസമാണ്. കോഴിക്കോട്ടേക്കും കണ്ണൂരിലേക്കുമുള്ള ചാർജ് ഇതിലും കൂടുതലാണ്. കോഴിക്കോട്ടേക്ക് 10-ന് 7174 രൂപ, 11-ന് 8208 രൂപ, 12-ന് 9396 രൂപ, 13-ന് 6782 രൂപ എന്നിങ്ങനെയാണ് നിരക്കുകൾ. കണ്ണൂരിലേക്ക് ഏപ്രിൽ 10-ന് 12,000 രൂപയ്ക്ക് മുകളിലും 12-ന് 10,000 രൂപയ്ക്ക് മുകളിലുമാണ് ചാർജ്.

വിഷു സീസണിലെ ഈ ടിക്കറ്റ് കൊള്ളയെക്കുറിച്ചുള്ള വാർത്ത നിങ്ങളുടെ സുഹൃത്തുക്കൾക്കും കുടുംബാംഗങ്ങൾക്കും വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. യാത്രാ വിവരങ്ങളും മറ്റ് അപ്‌ഡേറ്റുകളും അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഇത്തരം കൊള്ളനിരക്കുകളെക്കുറിച്ചുള്ള നിങ്ങളുടെ അഭിപ്രായം ഞങ്ങളുടെ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താനും മറക്കരുത്. പുതിയ അപ്‌ഡേറ്റുകൾ ലഭിക്കാൻ ഫേസ്ബുക്ക് പേജ് ഫോളോ ചെയ്യുക.

Article Summary: During the Vishu festival season, KSRTC has significantly increased bus fares from Chennai to Kerala, charging up to Rs 5000 for an AC sleeper ticket to Ernakulam under dynamic pricing. Flight rates have also skyrocketed, leaving Malayalis struggling to find affordable travel options.

#KSRTC #VishuTravel #TicketFare #ChennaiToKerala #FlightRates #KeralaNews #DynamicPricing