iPhone Survives | ഇതാണ് ഐഫോണിന്റെ കരുത്ത്! '16,000 അടി ഉയരത്തിൽ നിന്ന് വിമാനത്തിൽ നിന്ന് താഴേക്ക് പതിച്ചിട്ടും തകരാറില്ല'; പ്രവർത്തനം തുടരുന്നു; ചിത്രങ്ങൾ കാണാം

വാഷിംഗ്ടൺ: (KVARTHA) ആപ്പിൾ കമ്പനി എപ്പോഴും ഐഫോണിന്റെ കരുത്ത് അവകാശപ്പെടുന്നു. ഇവ ആഗോളതലത്തിൽ ഏറ്റവും മോടിയുള്ള സ്മാർട്ട്ഫോണുകളിലൊന്നായി അംഗീകരിക്കപ്പെട്ടിരിക്കുന്നു. ഈ ഐഡന്റിറ്റി ഒരിക്കൽ കൂടി തെളിയിച്ചിരിക്കുകയാണ് ഐഫോൺ ഇപ്പോൾ. ഒരു ഐഫോൺ വിമാനത്തിൽ നിന്ന് 16,000 അടി താഴേക്ക് വീണതായി റിപോർട്ടുകൾ പറയുന്നു. എന്നിരുന്നാലും, ഇത്രയും ഉയരത്തിൽ നിന്ന് വീണിട്ടും ഈ ഫോൺ നല്ല നിലയിൽ പ്രവർത്തിക്കുന്നുവെന്നും കേടുപാടുകൾ സംഭവിച്ചിട്ടില്ലെന്നുമാണ് പറയുന്നത്.
  

സംഭവം ഇങ്ങനെ

അമേരിക്കയിലെ പോർട്ട്‌ലാൻഡിലെ ഒറിഗോണിൽ നിന്ന് വെള്ളിയാഴ്ച രാത്രി പറന്നുയർന്ന ഉടൻ അലാസ്ക എയർലൈൻസ് ബോയിങ്ങ് 737 വിമാനത്തിന്റെ ജനൽ വാതിൽ തകർന്ന് വീണിരുന്നു. തുടർന്ന് വിമാനം അടിയന്തര ലാൻഡിംഗ് നടത്തുകയും ചെയ്തു. ഡോർ ഇളകിത്തെറിച്ച് ഫോണും മറ്റു വസ്തുക്കളും പുറത്തേക്ക് വീഴുന്ന ഞെട്ടിക്കുന്ന ദൃശ്യങ്ങൾ സാമൂഹ്യ മാധ്യമങ്ങളിൽ പ്രചരിച്ചിരുന്നു. 16,000 അടി മുകളിൽ എത്തിയപ്പോളാണ് ഡോർ തകർന്നത്.

Quick video I just posted to TikTok summarizing how I found that passenger's phone pic.twitter.com/saCoMyA9ra

— Seanathan Bates (@SeanSafyre) January 8, 2024

ഒറിഗോണിലെ പോർട്ട്‌ലാൻഡിൽ നിന്ന് കാലിഫോർണിയയിലെ ഒന്റാറിയോയിലേക്ക് 171 യാത്രക്കാരുമായി പോവുകയായിരുന്നു വിമാനം. ഈ വിമാനത്തിൽ നിന്ന് വീണ ഐഫോണാണ് ഇപ്പോൾ ലഭിച്ചിരിക്കുന്നതെന്ന് മാധ്യമങ്ങൾ റിപ്പോർട്ട് ചെയ്തു. ബാർൺസ് റോഡ് എന്ന സ്ഥലത്ത് നിന്ന് സെനതൻ ബേറ്റ്സ് എന്ന വ്യക്തിയാണ് ഫോൺ കണ്ടെത്തിയത്. ഐഫോണിന്റെ ചിത്രം ബേറ്റ്‌സ് എക്‌സിൽ (ട്വിറ്റർ) പങ്കുവെക്കുകയും ആശ്ചര്യം പ്രകടിപ്പിക്കുകയും ചെയ്തു.

Found an iPhone on the side of the road... Still in airplane mode with half a battery and open to a baggage claim for #AlaskaAirlines ASA1282 Survived a 16,000 foot drop perfectly in tact!

When I called it in, Zoe at @NTSB said it was the SECOND phone to be found. No door yet😅 pic.twitter.com/CObMikpuFd

— Seanathan Bates (@SeanSafyre) January 7, 2024

വീണ്ടെടുത്ത ഐഫോൺ എസ്ഒഎസ് മോഡിനൊപ്പം ഇൻ-ഫ്ലൈറ്റ് ആക്ടിവേറ്റ് ചെയ്തതായും കണ്ടെത്തിയിട്ടുണ്ട്. ഐഫോണിന്റെ മോഡൽ ഇതുവരെ ഔദ്യോഗികമായി സ്ഥിരീകരിച്ചിട്ടില്ലെങ്കിലും, ഫോട്ടോകളിൽ നിന്ന്, അത് ഒന്നുകിൽ 14 പ്രോ അല്ലെങ്കിൽ 15 പ്രോ ആണെന്ന് നെറ്റിസൻസ് അഭിപ്രായപ്പെട്ടു. ബേറ്റ്‌സിന്റെ പോസ്റ്റിന് ആളുകളിൽ നിന്ന് വലിയ പ്രതികരണമാണ് ലഭിക്കുന്നത്. നേരത്തെ, തകർന്ന വിമാനത്തിന്റെ ഒരു ഭാഗം അന്വേഷണ ഉദ്യോഗസ്ഥർ കണ്ടെത്തിയിരുന്നു. ബോബ് എന്ന അധ്യാപകൻ തന്റെ മുറ്റത്ത് നിന്നാണ് വിമാനത്തിന്റെ ഭാഗം കണ്ടെത്തിയതെന്ന് അധികൃതർ അറിയിച്ചു. < !- START disable copy paste -->