Banknotes | ചാള്‍സ് രാജാവിന്റെ ചിത്രം ആലേഖനം ചെയ്ത നോടുകള്‍ പുറത്തിറക്കി ബാങ്ക് ഓഫ് ഇന്‍ഗ്ലന്‍ഡ്; 2024 പകുതിയോടെ വിനിമയത്തില്‍ വരും
Dec 20, 2022, 09:52 IST
ലന്‍ഡന്‍: (www.kvartha.com) ചാള്‍സ് മൂന്നാമന്‍ രാജാവിന്റെ ചിത്രമുള്ള നോടുകള്‍ ബാങ്ക് ഓഫ് ഇന്‍ഗ്ലന്‍ഡ് പുറത്തിറക്കി. 5, 10, 20, 50 ബ്രിടീഷ് പൗന്‍ഡ് നോടുകളാണ് ഡിസൈനുകളില്‍ മാറ്റം ഇല്ലാതെ ചാള്‍സ് രാജാവിന്റെ ചിത്രം ആലേഖനം ചെയ്ത് ഇറക്കിയിരിക്കുന്നത്.
രാജകുടുംബത്തില്‍ നിന്നുള്ള മാര്‍ഗനിര്‍ദേശത്തെത്തുടര്‍ന്ന് ഈ നോട് മാറ്റത്തിന്റെ പാരിസ്ഥിതികവും സാമ്പത്തികവുമായ ആഘാതം കുറയ്ക്കുന്നതിന് പഴയ നോടുകള്‍ക്ക് പകരമോ അല്ലെങ്കില്‍ വര്‍ധിച്ച ആവശ്യം നിറവേറ്റുന്നതിനോ മാത്രമേ പുതിയ നോടുകള്‍ അച്ചടിക്കുകയുള്ളൂവെന്ന് ബാങ്ക് ഓഫ് ഇന്‍ഗ്ലന്‍ഡ് പറഞ്ഞു.
2024 പകുതിയോടെ ഈ നോടുകള്‍ വിനിമയത്തില്‍ വരാന്‍ തുടങ്ങും. പുതിയ നോടുകളുടെ മുന്‍വശത്ത് സെക്യൂരിറ്റി വിന്‍ഡോയിലാണ് രാജാവിന്റെ ഛായാചിത്രം പ്രദര്‍ശിപ്പിക്കുക. പുതിയ നോടുകള്‍ പ്രചരിക്കാന്‍ തുടങ്ങിയതിന് ശേഷവും നിലവില്‍ ഉള്ള നോടുകള്‍ വിനിമയത്തിന് ഉപയോഗിക്കാം. പുതിയ രൂപകല്പന പുറത്തിറക്കിയപ്പോള്‍ 'ഈ സുപ്രധാന നിമിഷത്തില്‍ അഭിമാനമുണ്ടെന്ന്' ബാങ്ക് ഓഫ് ഇന്‍ഗ്ലന്‍ഡ് ഗവര്‍ണര്‍ ആന്‍ഡ്രൂ ബെയ്ലി പറഞ്ഞു.
ചാള്‍സ് മൂന്നാമന്‍ രാജാവിന്റെ ചിത്രം പതിച്ച 50 പെന്‍സ് നാണയങ്ങള്‍ രാജ്യത്തുടനീളമുള്ള തപാല്‍ ഓഫീസുകള്‍ വഴി ഇതിനകം പ്രചാരത്തിലുണ്ട്. ഏകദേശം 4.9 ദശലക്ഷം പുതിയ നാണയങ്ങള്‍ പോസ്റ്റോഫീസുകളിലേക്ക് വിതരണം ചെയ്യുന്നുണ്ട്.
1960-ന് ശേഷം ബാങ്ക് ഓഫ് ഇന്‍ഗ്ലന്‍ഡ് ബാങ്ക് നോടുകളില്‍ പ്രത്യക്ഷപ്പെട്ട ഒരേയൊരു രാഷ്ട്രതലൈവിവും ആദ്യത്തെയും വ്യക്തിയായിരുന്നു എലിസബത് രാജ്ഞി. സ്‌കോടിഷ്, നോര്‍തേണ്‍ ഐറിഷ് ബാങ്കുകള്‍ പുറത്തിറക്കിയ നോടുകള്‍ രാജാവിന്റെ ചിത്രം ഉണ്ടാകില്ല. അന്തരിച്ച രാജ്ഞിയുടെ ചിത്രം പതിച്ച നാണയങ്ങള്‍ ഇപ്പോഴും കടകളില്‍ ബാങ്ക് നോടുകള്‍ക്ക് സമാനമായി സ്വീകരിക്കും. നിലവില്‍ 80 ബില്യണ്‍ പൗന്‍ഡ് മൂല്യമുള്ള 4.5 ബില്യന്‍ വ്യക്തിഗത ബാങ്ക് ഓഫ് ഇന്‍ഗ്ലന്‍ഡ് നോടുകള്‍ പ്രചാരത്തിലുണ്ട്.
ബ്രിട്ടണില്‍ ഡെബിറ്റ് കാര്‍ഡുകളുമായി താരതമ്യപ്പെടുത്തുമ്പോള്‍ പണത്തിന്റെ ഉപയോഗം വളരെ കുറവാണ്. പ്രധാനമായും കോണ്‍ടാക്റ്റ്ലെസ് പേയ്മെന്റുകളുടെ ഉപയോഗവും പിന്നീട് കോവിഡ് കാലത്ത് പണമിടപാട് ട്രെന്റില്‍ വന്ന മാറ്റവും കാരണം. പുതിയ നോട്ടുകളുടെ ഉപയോഗവും കുറവായിരിക്കും.
Keywords: News,World,international,Business,Finance,Bank,Top-Headlines,King, First look of banknotes bearing King Charles III revealed, to enter UK circulation from mid-2024
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
