2008ല്‍ ആരംഭിച്ച വനിതാ സംഘടനയാണ് ഫെമിന്‍. സ്ത്രീകള്‍ക്കെതിരെയുള്ള അക്രമങ്ങള്‍ തടയുകയാണ് സംഘടനയുടെ സ്ഥാപിത ലക്ഷ്യം. ചര്‍ചകളും സെമിനാറുകളും നടത്തിയതുകൊണ്ട് മാത്രം സ്ത്രീകള്‍ക്കെതിരെയുള്ള അതിക്രമങ്ങള്‍ അവസാനിക്കില്ലെന്ന ഇവര്‍പറയുന്നു. സ്ത്രീകള്‍ക്കെതിരെയുള്ള ലൈംഗികാതിക്രമങ്ങള്‍ പൊതു ജനശ്രദ്ധയില്‍ കൊണ്ടു വരുന്നതിനായാണ് ഇവര്‍ നഗ്ന പ്രതിഷേധ പ്രകടനം നടത്തുന്നത്.
റഷ്യന്‍ ഫെമിനിസ്റ്റ് ബാന്‍ഡായ പുസി റൈട്ടിനെ അറസ്റ്റ് ചെയ്തതില്‍ പ്രതിഷേധിച്ച് ഫെമിന്‍ നടത്തിയ നഗ്ന പ്രതിഷേധ പ്രകടനം ലോകശ്രദ്ധ പിടിച്ചുപറ്റിയിരുന്നു. അന്ന് റഷ്യന്‍ സര്‍ക്കാരിനെതിരെയുള്ള പ്രതിഷേധത്തിന് നേതൃത്വം നല്‍കിയ ഇന്ന ഷെവ്‌ചെങ്കോവയുടെ നേതൃത്വത്തിലാണ് നഗ്ന പ്രതിഷേധ പരിശീലന ക്ലാസ് നടത്തുന്നത്.
ആയുധ രഹിതമായ സമാധാനപരമായ പ്രതിഷേധങ്ങളാണ് തങ്ങള്‍ നടത്തുന്നത്. സ്ത്രീയുടെ ശരീരം മാത്രമാണ് ഇതിന് ആയുധം എന്ന് ഇന്ന ഷെവ്‌ചെങ്കോവ പറയുന്നു. സ്ത്രീയെന്ന നിലയില്‍ ജനമധ്യത്തില്‍ നഗ്‌നരാകുന്നതില്‍ തങ്ങള്‍ക്ക് ബുദ്ധിമുട്ടുണ്ട്. എന്നാല്‍ സാധാരണരീതിയിലുള്ള പ്രതിഷേധങ്ങള്‍ ജനങ്ങള്‍ ശ്രദ്ധിക്കില്ല. അതിനാലാണ് ശരീരത്തെ ആയുധമാക്കി നഗ്‌നപ്രതിഷേധപ്രകടനം നടത്തുന്നതെന്നും ഫെമിന്‍ ഭാരവാഹികള്‍ കൂട്ടിച്ചേര്‍ത്തു. അമ്പതോളം സ്ത്രീകള്‍ ഇപ്പോള്‍ നഗ്നപ്രതിഷേധ ക്ലാസില്‍ സംബന്ധിക്കുന്നുണ്ട. ഇതിന് മുമ്പ് ഉക്രെയിനിലെ ഇന്ത്യന്‍ ഹൈകമ്മീഷന് മുന്നിലും ഫെമിന്‍ പ്രവര്‍ത്തകര്‍ നഗ്ന പ്രതിഷേധ പ്രകടനം നടത്തിയിരുന്നു. ഇന്ത്യയുടെ വിസാ നിയമത്തില്‍ പ്രതിഷേധിച്ചായിരുന്നു നഗ്ന പ്രകടനം നടന്നത്.
Keywords: Ukraine, World, Lady, Kaive, Malayalam News, Famine, Association
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
