സെമി ഫൈനല്‍ ലക്ഷ്യമിട്ട് പാകിസ്ഥാന്‍ ബംഗ്ലാദേശിനെതിരെ

എന്നാല്‍ ബംഗ്ലാദേശിനെ വന്‍ മാര്‍ജിനില്‍ തോല്‍പ്പിക്കാനായിരിക്കും പാകിസ്ഥാന്റെ ശ്രമം. മുന്‍ മത്സരങ്ങളിലേതുപോലെ സ്പിന്‍ ഡിപ്പാര്‍ട്ടമെന്റ് തന്നെയായിരിക്കും പാകിസ്ഥാന്റെ വജ്രായുധം. ഇന്ത്യയോട് ഏഴ് വിക്കറ്റിന് തോറ്റെങ്കിലും കരുത്തരായ ഓസ്‌ട്രേലിയയെ 16റണ്‍സിന് കീഴടക്കിയ പാകിസ്ഥാന്‍ നിര ആത്മവിശ്വാസത്തിലാണ്. എന്നാല്‍ ബാറ്റിംഗില്‍ ആരും സ്ഥിരത പുലര്‍ത്താത്തതാണ് പാകിസ്ഥാന്‍ ക്യാപ്ടന്‍ മുഹമ്മദ് ഹഫീസിന് തലവേദന സൃഷ്ട്ടിക്കുന്ന ഘടകം.
ഓപ്പണര്‍മാര്‍ പുറത്തുപോയാല്‍ ഉടന്‍ ചീട്ടുകൊട്ടാരം പോലെ പാകിസ്ഥാന്‍ മധ്യനിര തകര്‍ന്നടിയാറാണ് പതിവ്. മുന്‍ ക്യാപ്ടന്‍ ഷാഹീദ് അഫ്രീദി വരുന്നതും പോകുന്നതും ആരും അറിയാറില്ല. പിന്നെ അല്പമെങ്കിലും പാകിസ്ഥാന് ബാറ്റിംഗില്‍ ആശ്വാസം നല്‍കുന്നത് അക്മല്‍ ബ്രദേഴ്‌സിന്റെ ബാറ്റിംഗാണ്. കഴിഞ്ഞ മത്സരത്തില്‍ ഓസ്‌ട്രേലിയക്കെതിരെ ഉമ്മര്‍ അക്മല്‍ നേടിയ 94 റണ്‍സായിരുന്നു പാക് ബാറ്റിംഗിന്റെ നെടുംതൂണ്‍. എങ്കിലും ആരോട് തോല്‍ക്കാനും ആരേയം തോല്‍പ്പിക്കാനും കഴിവുള്ള ഇരുടീമും മൈതാനത്ത് ഇറങ്ങുന്‌പോള്‍ നല്ല ഒരു ട്വന്റി20 മത്സരമാകും കാണികള്‍ക്ക്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കെവാര്‍ത്തയിലൂടെ അറിയാം

Keywords: Cricket, Sports, Entertainment, Pakistan, 20-20 World Cup, Against Bangladesh, Shahid Afridi, Hope with Akmal Brothers, Group B