Olympics | ഫ്രാൻസിൽ രാഷ്ട്രീയ പ്രതിസന്ധി, തെരുവുകളിൽ അരാജകത്വം; ലോകം കാത്തിരിക്കുന്ന ഒളിമ്പിക്‌സിനെ ബാധിക്കുമോ?

 
Olympics


ഒരു പ്രധാന പാർട്ടിക്കും ഭൂരിപക്ഷം ലഭിക്കാത്തതിനാൽ ഇപ്പോൾ തൂക്കു പാർലമെൻ്റിൻ്റെ സാധ്യതയെ അഭിമുഖീകരിക്കുകയാണ്

പാരീസ്: (KVARTHA) ഏറെ പ്രതീക്ഷയോടെ കാത്തിരുന്ന തീവ്ര വലതുപക്ഷ മുന്നേറ്റത്തെ അതിജീവിച്ച്, ഫ്രാൻസ് പാർലമെന്റ് (France Election) തിരഞ്ഞെടുപ്പിൽ ഇടതുപക്ഷ സഖ്യത്തിൻ്റെ അപ്രതീക്ഷിത മുന്നേറ്റം, രാജ്യത്തിൻ്റെ രാഷ്ട്രീയ രംഗത്തെ  പ്രക്ഷുബ്ധതയിലേക്ക് തള്ളിവിട്ടു. ഒരു പ്രധാന പാർട്ടിക്കും ഭൂരിപക്ഷം ലഭിക്കാത്തതിനാൽ ഫ്രാൻസ് ഇപ്പോൾ തൂക്കു പാർലമെൻ്റിൻ്റെ സാധ്യതയെ അഭിമുഖീകരിക്കുകയാണ്. ജൂലൈ 26 മുതൽ ഓഗസ്റ്റ് 11 വരെ ഫ്രാൻസിലെ പാരീസിൽ ഒളിമ്പിക്‌സ് (Paris 2024 Olympics) നടക്കാനിരിക്കെയാണ് ഈ സ്ഥിതിയെന്നത് ലോകമെങ്ങും ആശങ്ക ഉയർത്തിയിട്ടുണ്ട്.

ഇടതുപക്ഷ സഖ്യം (New Popular Front ) പാർലമെൻ്ററി സീറ്റുകളിൽ ബഹുഭൂരിപക്ഷവും നേടിയതിനെത്തുടർന്ന് ഫ്രഞ്ച് പ്രധാനമന്ത്രി ഗബ്രിയേൽ അട്ടൽ രാജിവെക്കുമെന്ന് പ്രഖ്യാപിച്ചിട്ടുണ്ട്. മറൈൻ ലെ പെന്നിൻ്റെ (Marine Le Pen) നേതൃത്വത്തിലുള്ള നാഷണൽ റാലി (National Rally) അധികാരത്തിലെത്തുമെന്ന് പ്രതീക്ഷിച്ചിരുന്ന സ്ഥാനത്താണ് ഞെട്ടിക്കുന്ന ജനവിധി ഉണ്ടായത്. അടുത്ത പ്രധാനമന്ത്രി ഇടതുസഖ്യമായ ന്യൂ പോപ്പുലർ ഫ്രണ്ടിൽ നിന്നായിരിക്കുമെന്ന് സഖ്യത്തിന്റെ നേതാവ് ജീൻ ലൂക് മെലൻചോൺ പറഞ്ഞിട്ടുണ്ട്.

ഒളിമ്പിക്‌സിനെ ബാധിക്കുമോ?

ഒളിമ്പിക്‌സ് തുടങ്ങുന്നതിന് ആഴ്ചകൾക്ക് മുമ്പ് പാരീസിൽ അക്രമാസക്തമായ പ്രതിഷേധ പ്രകടനങ്ങളാണ് തിരഞ്ഞെടുപ്പ് ഫല പ്രഖ്യാപനത്തെത്തുടർന്ന് നടക്കുന്നത്. വലതുപക്ഷ അനുഭാവികളും ഇടതുപക്ഷ അനുഭാവികളും പാരീസിലെ തെരുവുകളിൽ ഒഴുകിയെത്തി. തിരഞ്ഞെടുപ്പിൻ്റെ നാടകീയമായ ഫലം രാജ്യത്തെ ഞെട്ടിച്ചു. പ്രസിഡൻ്റ് ഇമ്മാനുവൽ മാക്രോണിൻ്റെ മധ്യപക്ഷ സഖ്യം രണ്ടാം സ്ഥാനത്തെത്തുമെന്നാണ് പ്രവചനം.

അധികൃതർ പ്രകടനക്കാരെ നേരിട്ടപ്പോൾ പാരീസിലെ തെരുവുകളിൽ അഗ്നിബാധകൾ പൊട്ടിപ്പുറപ്പെട്ടു. ആളുകളെ തടയാൻ പൊലീസ് കണ്ണീർ വാതകം പ്രയോഗിച്ചു. നിരവധി പേരെ അറസ്റ്റ് ചെയ്തിട്ടുമുണ്ട്. അതേസമയം ഫ്രാൻസിലെ രാഷ്ട്രീയ സംഘർഷങ്ങളേക്കാൾ ഒളിമ്പിക്സിനുള്ള  തയ്യാറെടുപ്പിലാണ് തങ്ങൾ ശ്രദ്ധ കേന്ദ്രീകരിക്കുന്നതെന്ന് പാരീസ് ഒളിമ്പിക്‌സിൻ്റെ മുഖ്യ സംഘാടകർ പറയുന്നു.

ഫ്രാൻസിൽ അടുത്തത് എന്താണ്?

ഫലം രാജ്യത്തിന്റെ രാഷ്ട്രീയ ഭൂപ്രകൃതിയെ നാടകീയമായി മാറ്റിമറിച്ചു, ഇടതുപക്ഷ സഖ്യം അപ്രതീക്ഷിതമായി നിരവധി പാർലമെൻ്റ് സീറ്റുകൾ നേടിയെങ്കിലും കേവലഭൂരിപക്ഷം നേടിയിട്ടില്ല. 
ജീൻ ലൂക്ക് മെലൻചോണിൻ്റെ നേതൃത്വത്തിലുള്ള തീവ്ര ഇടത് സഖ്യം സർക്കാർ രൂപീകരിക്കാനും പ്രധാനമന്ത്രിയെ നിർദേശിക്കാനുമുള്ള അവസരത്തിനായി ശ്രമിക്കുന്നു. എന്നിരുന്നാലും, വ്യക്തമായ ഭൂരിപക്ഷമില്ലാത്തതിനാൽ മറ്റ് കക്ഷികളുമായി ചർച്ച നടത്തേണ്ടതുണ്ട്. ഇത് അസ്ഥിരമായ സർക്കാർ രൂപീകരണത്തിന് വഴിവെക്കും. ഇത് ഒളിമ്പിക്സിനെ എങ്ങനെ ബാധിക്കുമെന്നാണ് കണ്ടറിയേണ്ടത്.

വേറെയുമുണ്ട് പ്രശ്‌നങ്ങൾ 

രാഷ്ട്രീയ വെല്ലുവിളികൾക്ക് പുറമേ, ചില നീന്തൽ വേദികളെ പറ്റിയും ആശങ്ക ഉയർന്നിട്ടുണ്ട്. ഈ മത്സരങ്ങൾക്കായി നിശ്ചയിച്ചിട്ടുള്ള വേദികളിലെ വെള്ളത്തിൽ ഉയർന്ന അളവിലുള്ള ഇ.കോളി ബാക്ടീരിയകൾ കാണപ്പെടുന്നതാണ് ഇതിന് കാരണം, ഇത് അത്ലറ്റുകൾക്ക് സുരക്ഷാ അപകടമുണ്ടാക്കുന്നു. വെള്ളത്തിൻ്റെ ഗുണനിലവാര പ്രശ്നം വേൾഡ് ട്രയാത്ത്‌ലൺ നിശ്ചയിച്ചിട്ടുള്ള മാനദണ്ഡങ്ങൾ പാലിക്കുന്നില്ലെന്നാണ് ആരോപണം, ഇത് സ്ഥിതി കൂടുതൽ സങ്കീർണമാക്കുന്നു

ജലത്തിൻ്റെ ഗുണനിലവാര പ്രശ്നം പരിഹരിക്കാൻ അധികാരികൾ ഇതിനകം തന്നെ ഗണ്യമായ അളവിൽ തുക അനുവദിച്ചിട്ടുണ്ട്. നീന്തൽ മത്സ്യങ്ങൾ നടക്കാനിരിക്കുന്ന വേദി വൃത്തിയാക്കാൻ കുറഞ്ഞത് 1.4 ബില്യൺ യൂറോ (1.55 ബില്യൺ ഡോളർ) ചെലവഴിച്ചതായി റിപ്പോർട്ടുകൾ സൂചിപ്പിക്കുന്നു. രാഷ്ട്രീയ അനിശ്ചിതത്വത്തിൻ്റെയും വെല്ലുവിളികളുടെയും കാലഘട്ടത്തിലൂടെ ഫ്രാൻസ് സഞ്ചരിക്കുമ്പോൾ, 2024 ഫ്രഞ്ച് ഒളിമ്പിക്‌സ് അവിസ്മരണീയമാക്കാൻ തന്നെയാണ് സംഘാടകർ കിണഞ്ഞു പരിശ്രമിക്കുന്നത്.

ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia