മലയാളത്തിലടക്കം നാലു ഭാഷകളില്‍ ആകാശവാണി വാര്‍ത്താ എസ്എംഎസ് സേവനം ആരംഭിച്ചു
Oct 31, 2014, 16:58 IST
ന്യൂഡല്‍ഹി: (www.kvartha.com 31.10.2014) മലയാളം, തമിഴ്, അസാമീസ്, ഗുജറാത്തി എന്നീ ഭാഷകളില്‍ ആകാശവാണി വാര്‍ത്താ സേവന വിഭാഗം നല്‍കുന്ന സൗജന്യ എസ്എംഎസ് വാര്‍ത്താ സേവനത്തിന് തുടക്കമായി. കേന്ദ്ര വാര്‍ത്താ വിതരണ പ്രക്ഷേപണ സഹമന്ത്രി (സ്വത. ചുമതല) പ്രകാശ് ജാവഡേക്കര്‍ ഉദ്ഘാടനം ചെയ്തു.
AIR<space>NAME<dash>AGE<dash>GENDER CODE<dash>LANGUAGE CODE എന്ന ഫോര്‍മാറ്റില്‍ 7738299899 എന്ന നമ്പരിലേക്ക് സന്ദേശമയച്ചും സേവനത്തിനായി രജിസ്റ്റര്‍ ചെയ്യാവുന്നതാണ്. പുരുഷന്മാര്‍ M എന്നും സ്ത്രീകള്‍ F എന്നും ജെന്‍ഡര്‍ കോഡ് ടൈപ്പ് ചെയ്യേണ്ടതാണ്. അസാമീസിന് A, ഗുജറാത്തിക്ക് G, മലയാളത്തിന് ML, തമിഴിന് T, ഹിന്ദിക്ക് H, മറാത്തിക്ക് M, ഡോഗ്രിക്ക് D, സംസ്‌കൃതത്തിന് S, നേപ്പാളിക്ക് N എന്നിങ്ങനെയാണ് ഭാഷാകോഡുകള്‍.
ഇംഗ്ലീഷ്, ഹിന്ദി, മറാത്തി, ഡോഗ്രി, സംസ്‌കൃതം, നേപ്പാളി എന്നീ ഭാഷകളില്‍ ആകാശവാണിയുടെ എസ്എംസ് വാര്‍ത്താ സേവനം മുമ്പ് ആരംഭിച്ചിരുന്നു. http://newsonair.nic.in/smsservice എന്ന ലിങ്കിലൂടെ ആകാശവാണി വെബ്‌സൈറ്റിലെത്തി സേവനത്തിനായി മൊബൈല്‍ നമ്പര്‍ രജിസ്റ്റര്‍ ചെയ്യാം.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
