ഛദ്ദ സഹോദരന്‍മാരുടെ കൊല: പ്രതി നാംധാരിയില്‍ നിന്ന് തോക്ക് കണ്ടെടുത്തു
Nov 25, 2012, 18:00 IST
ന്യൂഡല്‍ഹി: ഛദ്ദ സഹോദരന്‍മാരുടെ കൊലപാതകത്തില്‍ കലാശിച്ച ഛത്തര്‍ഹൗസിലെ ഫാം ഹൗസ് വെടിവെപ്പ് കേസില്‍ അറസ്റ്റിലായ സുഖ്‌ദേവ് സിങ് നാംധാരി വെടിവെക്കാന്‍ ഉപയോഗിച്ച തോക്ക് ഡല്‍ഹി ക്രൈംബ്രാഞ്ച് കണ്ടെടുത്തു. നാംധാരിയുടെ ഉത്തരാഖണ്ഡിലെ ഫാംഹൗസില്‍ നിന്നാണ് തോക്ക് കണ്ടെടുത്തത്. കഴിഞ്ഞ വെള്ളിയാഴ്ച ഭജ്പൂരിലെ വസതിയില്‍വെച്ചാണ് ഉത്തരാഖണ്ഡ് ന്യൂനപക്ഷ കമ്മീഷന്‍ മുന്‍ ചെയര്‍മാനായ നാംധാരി അറസ്റ്റിലാവുന്നത്.
നവംബര്‍ 17ന് നടന്ന വെടിവെപ്പില്‍ മുഖ്യസൂത്രധാരന്‍ നാംധാരിയാണെന്നും ഛദ്ദ സഹോദരന്‍മാര്‍ തമ്മിലുളള തര്‍ക്കത്തിനിടെ ഹര്‍ദീപിനെ താന്‍ വെടിവെച്ചതായി നാംധരി സമ്മതിച്ചിട്ടുണ്ടെന്നും കേസ് അന്വേഷിക്കുന്ന ക്രൈംബ്രാഞ്ച് ഉദ്യോഗസ്ഥര്‍ പറഞ്ഞു. കൊലപാതകശ്രമത്തിന് ഇദ്ദേഹത്തിനെതിരെ കേസ് രജിസ്റ്റര്‍ ചെയ്തിട്ടുണ്ടെന്നും ദല്‍ഹി പൊലീസ് കഴിഞ്ഞദിവസം വ്യക്തമാക്കിയിരുന്നു. ദല്‍ഹി സാകേത് ജില്ലാ കോടതിയില്‍ ഹാജരാക്കിയ നാംധാരിയെ അഞ്ചുദിവസത്തേക്ക് പൊലീസ് കസ്റ്റഡിയില്‍ വിട്ടിരിക്കുകയാണ്.
Keywords : New Delhi, Murder Case, Arrest, Gunfight, Chadda, Brothers, Namdhari, Police, Farm House, National, Malayalam News, Ponty Chadha murder: Police find gun at Namdhari's farmhouse
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
