Bizarre | 'രക്ഷിക്കാന്‍ ആരെങ്കിലും എന്തെങ്കിലും പോംവഴി പറഞ്ഞു തരണം'; ഭര്‍ത്താവിന്റെ ആരോഗ്യത്തിനും ദാമ്പത്യജീവിതം സമാധാനപൂര്‍ണം ആകുന്നതിനുമായി മണ്‍കലത്തെ വിവാഹം കഴിക്കാന്‍ മാതാപിതാക്കള്‍ നിര്‍ബന്ധിക്കുന്നുവെന്ന് വെളിപ്പെടുത്തല്‍; വിചിത്രമായ സമൂഹ മാധ്യമ പോസ്റ്റുമായി 26 കാരി!

അത്തരത്തില്‍ ഭര്‍ത്താവ് മരിക്കാതിരിക്കാനും ദാമ്പത്യജീവിതം സമാധാനപൂര്‍ണം ആകുന്നതിനും ഒരു കലത്തെ വിവാഹം കഴിക്കാന്‍ വീട്ടുകാര്‍ നിര്‍ബന്ധിക്കുന്നതായി യുവതിയുടെ വെളിപ്പെടുത്തല്‍. മുംബൈ സ്വദേശിനിയായ 26 കാരിയായ യുവതിയാണ് സാമൂഹിക മാധ്യമ പ്ലാറ്റ്‌ഫോമായ റെഡിറ്റി(Reddit)ലൂടെ വിചിത്രമായ വെളിപ്പെടുത്തല്‍ നടത്തിയത്.

താന്‍ ഒരു നിരീശ്വരവാദി ആണെന്നും എന്നാല്‍ തന്റെ മാതാപിതാക്കള്‍ ഇത്തരത്തില്‍ ഒരു കാര്യം ചെയ്യാന്‍ തന്നെ നിരന്തരം നിര്‍ബന്ധിക്കുകയാണെന്നുമാണ് യുവതി സാമൂഹിക മാധ്യമ പോസ്റ്റില്‍ പറയുന്നത്. ഇത്തരത്തില്‍ ഒരു വിശ്വാസത്തിന് കൂട്ടുനില്‍ക്കാന്‍ തനിക്ക് സാധിക്കില്ലെന്നും പക്ഷേ, വീട്ടുകാരുടെ നിര്‍ബന്ധം ശക്തമാണെന്നും ഇവര്‍ പറയുന്നു. ഈ സാഹചര്യത്തില്‍ നിന്നും തന്നെ രക്ഷിക്കാന്‍ ആരെങ്കിലും എന്തെങ്കിലും പോംവഴി പറഞ്ഞു തരണമെന്നും യുവതി അഭ്യര്‍ഥിക്കുന്നുണ്ട്.

യുവതി തന്റെ പേരോ മറ്റ് വിവരങ്ങളോ വെളിപ്പെടുത്തിയിട്ടില്ലെങ്കിലും ഇവരുടെ പോസ്റ്റ് സാമൂഹിക മാധ്യമങ്ങളില്‍ വൈറലായി കഴിഞ്ഞു. ഇത്തരം അസംബന്ധങ്ങള്‍ പ്രോത്സാഹിപ്പിക്കരുതെന്നും എന്നാല്‍ വാര്‍ത്താ മാധ്യമങ്ങളില്‍ ഇത് ഇടം പിടിക്കണമെന്നും മറ്റൊരു ഉപഭോക്താവ് അഭിപ്രായപ്പെട്ടു. ഇതുമായി ബന്ധപ്പെട്ട വ്യാപകമായ ചര്‍ച്ചയാണ് ഇപ്പോള്‍ സാമൂഹിക മാധ്യമ ഉപഭോക്താക്കള്‍ക്കിടയില്‍ നടക്കുന്നത്.