മുംബൈ- അഹമ്മദാബാദ് ഹൈവേയില്‍ ബസിന് തീപിടിച്ച് 8 മരണം , 14 പേര്‍ക്ക് പരിക്ക്

മുംബൈ: മഹാരാഷ്ട്രയില്‍ ടൂറിസ്റ്റ് ബസിന് തീപിടിച്ച് എട്ടുമരണം.  14 പേര്‍ക്ക് പരിക്കേറ്റു. മുംബൈ- അഹമ്മദാബാദ് ദേശീയപാതയിലെ മനോറില്‍ ടൂറിസ്റ്റ് ബസ് ഡീസല്‍ ടാങ്കറുമായി കൂട്ടിയിടിച്ചാണ് അപകടം. ബുധനാഴ്ച പുലര്‍ച്ചെ ഒരു മണിയോടെയായിരുന്നു അപകടം. പൂനെയില്‍ നിന്നും അഹമ്മദാബാദിലേക്ക് പോവുകയായിരുന്ന ബസാണ് അപടത്തില്‍പെട്ടത്.

അപകടം നടന്ന ഉടനെ നാട്ടുകാരും പോലീസും അഗ്‌നിശമന സേനയും ചേര്‍ന്ന് രക്ഷാപ്രവര്‍ത്തനം നടത്തിയതിനാല്‍ വന്‍ അപകടം ഒഴിവായി. ഡീസല്‍ ടാങ്കറുമായി കൂട്ടിയിടിച്ചതിനാല്‍ പൊട്ടിത്തെറിക്കുമെന്ന ആശങ്കമൂലം അതീവ ജാഗ്രതയോടെയാണ് രക്ഷാപ്രവര്‍ത്തനം നടത്തിയതെന്ന് പോലീസ് പറഞ്ഞു.


അപകടത്തെത്തുടര്‍ന്ന് ദേശീയപാതയിലെ ഗതാഗതം നാലു മണിക്കൂറോളം
സ്തംഭിച്ചു.  ബസ് ഡ്രൈവര്‍ ടാങ്കര്‍ ലോറിയെ മറികടക്കാന്‍ ശ്രമിക്കുന്നതിനിടയിലാണ് അപകടം ഉണ്ടായതെന്നാണ് പ്രാഥമിക നിഗമനം. പരിക്കേറ്റവരെ സമീപത്തുള്ള ആശുപത്രിയില്‍ പ്രവേശിപ്പിച്ചിരിക്കയാണ്.
ജനസമ്പര്‍ക്ക പരിപാടി അപേക്ഷകളില്‍ ഫെബ്രുവരി 15 നകം നടപടി എടുക്കണം