Snakebite Caution | പാമ്പ് കടിയേറ്റാൽ അബദ്ധത്തിൽ പോലും ഈ 6 കാര്യങ്ങൾ ചെയ്യരുത്! ആരോഗ്യ മന്ത്രാലയം മാർഗനിർദേശം പുറപ്പെടുവിച്ചു

ഒരു പഠനമനുസരിച്ച് ഇന്ത്യയിൽ പ്രതിവർഷം 30-40 ലക്ഷം ആളുകൾക്ക് പാമ്പുകടിയേൽക്കുന്നു. ഏകദേശം 50,000 പേർ ഇതുമൂലം മരിക്കുന്നു. പാമ്പുകടിയേറ്റാൽ ക്ലിനിക്കിലോ ആശുപത്രിയിലോ പോകുന്നവർ വളരെ കുറവാണ്. പാമ്പുകടിയേറ്റ പല സംഭവങ്ങളും റിപ്പോർട്ട് ചെയ്യപ്പെടാറില്ല.

പാമ്പ് കടിയേറ്റാൽ എന്ത് ചെയ്യണം?

* പാമ്പ് കടിയേറ്റ വ്യക്തിയെ സമാധാനിപ്പിച്ച് ശാന്തനാക്കുക.
* പാമ്പിൽ നിന്ന് പതുക്കെ അകലം പാലിക്കുക
* മുറിവേറ്റ ഭാഗം ചലിപ്പിക്കരുത്, കടിയേറ്റ സ്ഥലം തുറന്നുവെക്കുക.
* പാമ്പ് കടിയേറ്റ സ്ഥലത്ത് ഏതെങ്കിലും തരത്തിലുള്ള ആഭരണങ്ങൾ, വാച്ച്, മോതിരം അല്ലെങ്കിൽ ഇറുകിയ വസ്ത്രങ്ങൾ എന്നിവ ഉണ്ടെങ്കിൽ അത് നീക്കം ചെയ്യുക.
* കടിയേറ്റയാളെ ചെരിച്ച് കിടത്തുക.
* ഉടൻ തന്നെ അടുത്തുള്ള ആശുപത്രിയിൽ എത്തിക്കുക.

പാമ്പ് കടിയേറ്റാൽ എന്ത് ചെയ്യാൻ പാടില്ല?

* പാമ്പ് കടിയേറ്റ ആളെ പരിഭ്രാന്തരാക്കരുത്.
* പാമ്പിനെ ആക്രമിക്കുകയോ കൊല്ലുകയോ ചെയ്യരുത്. പ്രതിരോധത്തിനായി പാമ്പ് നിങ്ങളെ കടിച്ചേക്കാം.
* പാമ്പുകടിയേറ്റ ഭാഗത്ത് മുറിവുണ്ടാക്കരുത്. ഈ മുറിവിൽ ആൻറി വെനം ഇഞ്ചെക്ഷനോ മരുന്നോ പ്രയോഗിക്കരുത്.
* മുറിവ് കെട്ടി രക്തചംക്രമണം നിർത്താൻ ശ്രമിക്കരുത്
* രോഗിയെ മലർത്തി കിടത്തരുത്. ഇത് ശ്വാസനാളത്തിൽ തടസം സൃഷ്ടിച്ചേക്കാം.
* പരമ്പരാഗത ചികിത്സ പരീക്ഷിക്കരുത്

   Keywords: News, National, New Delhi, Snakebite, Health, Lifestyle, Government, Health, Report, Treatment, Govt releases action plan to reduce snakebite deaths, Shamil.
< !- START disable copy paste -->