'വൈകാരിക പ്രശ്‌നമായി ഉയർത്തിക്കൊണ്ട് വരരുത്'; ഹിജാബ് നിരോധന വിധിക്കെതിരായ ഹർജി അടിയന്തരമായി പരിഗണിക്കണമെന്ന ആവശ്യം സുപ്രീം കോടതി വീണ്ടും തള്ളി

പെൺകുട്ടികളെ പരീക്ഷ എഴുതുന്നതിൽ നിന്ന് തടയുമെന്നതിനാൽ വിഷയം അടുത്തയാഴ്ച കേൾക്കണമെന്ന അഭ്യർത്ഥനയോട് പ്രതികരിച്ചുകൊണ്ട് ചീഫ് ജസ്റ്റിസ് എൻ വി രമണ പറഞ്ഞു: 'ഇത് പരീക്ഷകളുമായി ഒരു ബന്ധവുമില്ല, പ്രശ്‌നമായി ഉയർത്തിക്കൊണ്ട് വരരുത്'. മാർച് 28 മുതൽ പരീക്ഷ ആരംഭിക്കുമെന്നും വിദ്യാർഥികൾക്ക് ഒരു വർഷം നഷ്ടമാവുമെന്നും ഹർജിക്കാർക്ക് വേണ്ടി ഹാജരായ മുതിർന്ന അഭിഭാഷകൻ ദേവദത്ത് കാമത്ത് പറഞ്ഞു. എന്നിരുന്നാലും, അടുത്ത ഇനവുമായി മുന്നോട്ട് പോകാൻ സിജെഐ കോടതി ജീവനക്കാരോട് ആവശ്യപ്പെട്ടു. നേരത്തെയും ഈ വിഷയത്തിൽ അടിയന്തര വാദം കേൾക്കണമെന്ന ഹർജി സുപ്രീംകോടതി തള്ളിയിരുന്നു.

ക്ലാസ് മുറികളിൽ ഹിജാബ് ധരിക്കാനുള്ള അവകാശം ആവശ്യപ്പെട്ട് ഉഡുപിയിലെ പ്രീ-യൂനിവേഴ്‌സിറ്റി കോളജുകളിൽ പഠിക്കുന്ന മുസ്ലീം പെൺകുട്ടികൾ സമർപിച്ച ഒരു കൂട്ടം ഹർജികൾ മാർച് 15ന് കർണാടക ഹൈകോടതിയുടെ ഫുൾ ബെഞ്ച് തള്ളിയിരുന്നു. ഹിജാബ് ധരിക്കുന്നത് 'ഇസ്ലാമിക വിശ്വാസത്തിൽ അനിവാര്യമായ ഒരു മതപരമായ ആചാരമല്ല' എന്നും ഭരണഘടനയുടെ ആർടികിൾ 25 പ്രകാരം മതസ്വാതന്ത്ര്യം ന്യായമായ നിയന്ത്രണങ്ങൾക്ക് വിധേയമാണെന്നും ഹൈകോടതി വിധിച്ചു. ഇതിനെതിരെയാണ് പരാതിക്കാർ സുപ്രീം കോടതിയെ സമീപിച്ചത്.

Keywords: News, National, Top-Headlines, Supreme Court of India, Hijab, Issue, Controversy, Women, Students, Karnataka, Court Order, ‘Don’t sensitise’: Supreme Court nixes urgent hearing plea against Karnataka HC hijab ban verdict. < !- START disable copy paste -->